سپریم کورٹ نے پان مصالحہ بنانے والے کراچی کے برانڈ کو سندھ ہائی کورٹ کا فیصلہ چیلنج کرنے کی اجازت دیدی

جمعہ 13 مارچ 2020 19:01

اسلام آباد ۔ (اُردو پوائنٹ اخبارتازہ ترین - اے پی پی۔ 13 مارچ2020ء) سپریم کورٹ نے پان مصالحہ بنانے والے کراچی کے برانڈ کو سندھ ہائی کورٹ کا فیصلہ چیلنج کرنے کی اجازت دیدی ہے۔ جمعہ کو سماعت کے دوران درخواست گزار کے وکیل نے دلائل دیئے کہ سندھ ہائی کورٹ نے گٹکے پر پابندی کا حکم دیا تھا۔

(جاری ہے)

گٹکے کی آڑ میں پان مصالحہ بنانے والوں کیخلاف کارروائی ہو رہی ہے۔ جسٹس عمرعطا بندیال نے استفسار کیا کہ آپ کے موکل بھی گٹکا بناتے ہیں۔ درخواست گزار کے وکیل نے کہا کہ پان مصالحہ اور گٹکا الگ الگ چیزیں ہیں۔ ہائی کورٹ کے فیصلے سے پان مصالحہ کا کاروبار متاثر ہو رہا ہے۔ سندھ ہائی کورٹ میں فریق نہ ہونے پر اپیل کی اجازت دی جائے۔ جس پر عدالت نے اجازت دے دی ۔