اوپن یونیورسٹی نے اوورسیز پاکستانیوں کے لئے4 ایسوسی ایٹ ڈگری پروگرام متعارف کرا دیئے

منگل 17 مارچ 2020 12:28

اسلام آباد (اُردو پوائنٹ اخبارتازہ ترین - اے پی پی۔ 17 مارچ2020ء) علامہ اقبال اوپن یونیورسٹی نے اوورسیز پاکستانیوں کے لئے بیچلر سطح پر4 ایسوسی ایٹ ڈگری پروگرامز متعارف کرا دیئے ہیں۔ یونیورسٹی کے ترجمان کے مطابق سعودی عرب ،ْ کویت ،ْ قطر ،ْ متحدہ عرب امارات ،ْ عمان اور بحرین میں مقیم پاکستانیوں کے لئے پیش کئے جانے والے ایسوسی ایٹ ڈگری پروگرامز میں )جنرل(،ْ)کامرس(،ْ )ماس کمیونیکیشن (اور )لائبریری انفارمیشن سائنسسز( گروپس شامل ہیں۔

مدت پروگرام دو سال)چار سمسٹر( ہے۔

(جاری ہے)

داخلے کے لئے میٹرک اور ایف اے کی سند ،ْ شناختی کارڈ ،ْ پاسپورٹ ،ْ ویزا ،ْ اقامہ کی تصدیقی شدہ فوٹو کاپی داخلہ فارم کے ساتھ منسلک کرنا ضروری ہے۔ اِن ممالک میں مقیم پاکستانیز جو اوپن یونیورسٹی کے ایسوسی ایٹ ڈگری پروگرامز میں داخلوں کے خواہشمند ہیں 15۔اپریل تک داخلہ فارم مع فیس ارسال کرسکتے ہیں۔ داخلہ فارم یونیورسٹی کی ویب سائٹس http://del.aiou.edu.pkاور [email protected]سے ڈائون لوڈ کئے جاسکتے ہیں۔داخلوں کے بارے میں مزید معلومات کے لئے ڈائریکٹوریٹ آف اوورسیز ایجوکیشنل پروگرامز اینڈ ای لرننگ سے فون نمبر +92-51-9250175 , +92-51-9057165پر رابطہ کیا جاسکتا ہے۔