Live Updates

نامور امریکی شیف کورونا وائرس سے ہلاک ہوگئے

59 سالہ فلویئڈ کارڈوز میں چند روز قبل کورونا وائرس کی تشخیص ہوئی تھی

Mian Nadeem میاں محمد ندیم جمعرات مارچ 16:13

نامور امریکی شیف کورونا وائرس سے ہلاک ہوگئے
نیویارک(اردوپوائنٹ اخبارتازہ ترین-انٹرنیشنل پریس ایجنسی۔26 مارچ۔2020ء) نامور شیف فلویئڈ کارڈوز امریکی ریاست نیو جرسی میں کورونا وائرس سے ہلاک ہوگئے ہیں.امریکی نشریاتی ادارے کے مطابق 59 سالہ فلویئڈ کارڈوز میں چند روز قبل کورونا وائرس کی تشخیص ہوئی تھی ہنگر انک نامی امریکی ریسٹورنٹ کی جانب سے جاری کردہ بیان میں فلویئڈ کارڈوز کی ہلاکت کی خبر کی تصدیق کی گئی.بیان میں ان کا کہنا تھا کہ وہ فلویئڈ کارڈوز کے انتقال کی خبر کو بڑے دکھ کے ساتھ دنیا سے شیئر کررہے ہیں فلویئڈ کارڈوز اس ریسٹورنٹ میں کنٹری ڈائیریکٹر کے عہدے پر فائز تھے.

(جاری ہے)

رپورٹ کے مطابق فلویئڈ کارڈوز میں رواں سال 18 مارچ کو کورونا وائرس کی تصدیق ہوئی تھی، جس کے بعد نیو جرسی کے ماﺅنٹین سائڈ میڈیکل سینٹر میں ان کا علاج جاری تھا خیال رہے کہ فلویئڈ کارڈوز کا شمار کامیاب شیفس میں کیا جاتا تھا جو امریکا کا مقبول شو ٹاپ شیف ماسٹرز کا مقابلہ بھی جیت چکے ہیں. 2017 میں سی بی سی کو دیے ایک انٹرویو میں فلویئڈ کارڈوز نے کہا تھا کہ انہوں نے ہوٹل نامی ایک کتاب پڑھی جس کے بعد انہوں نے شیف بننے کا فیصلہ کیا اس انٹرویو میں ان کا کہنا تھا کہ اس کتاب کو پڑھنے کے بعد میں نے کھانا پکانا شروع کیا اور تب مجھے اندازہ ہوا کہ میں کتنا اچھا کھانا بنا سکتا ہوں.فلویئڈ کارڈوز بھارتی شہر ممبئی میں پیدا ہوا، سوئٹزرلینڈ میں تعلیم مکمل کی جس کے بعد وہ نیویارک آگئے اپنے کیریئر کے دوران وہ کئی مشہور اور کامیاب ریسٹورنٹس کے ساتھ جڑے جن میں ’طبلہ‘، ’نارتھ اینڈ گرل‘، ’پاﺅ والا‘، ’بومبے بریڈ بار‘، ’بومبے کینٹین‘ جیسے ریسٹورنٹس شامل ہیں.انہوں نے کھانے پر مبنی دو کتابیں بھی تحریر کیں جن کا نا م ون اسپائس، ٹو اسپائس‘ او’فلیور والا ہیں رپورٹس کے مطابق فلویئڈ کارڈوز طبیعت کی خرابی کے بعد 17 مارچ کو خود ہسپتال گئے جس کے بعد انہیں ہسپتال میں داخل کرلیا گیا.وہ نیٹ فلکس کی ایک سیریز ’اگلی ڈیلیشیس‘ کی شوٹنگ میں بھی مصروف تھے، جسے مکمل کرکے وہ حال ہی میں بھارت سے نیو جرسی واپس آئے نامور امریکی مصنف اور ڈیوڈ چینگ نے بھی اپنے انسٹاگرام اکاﺅنٹ پر فلویئڈ کارڈوز کے ہمراہ ایک تصویر شیئر کی اور ان کے انتقال پر دکھ کا اظہار کیا.مشہور ٹی وی شیف مدھر جعفری نے فلویئڈ کارڈوز کے انتقال کی خبر پر حیرانی کا اظہار کرتے ہوئے کہا کہ وہ اپنی زندگی میں اور بہت کچھ کرنا چاہتے تھے، ایک ایسے انسان کی زندگی کا سفر ختم ہوگیا، یقین نہیں آرہا.ایک اور شیف پریتی مستری کے مطابق وہ اس دنیا سے چلے گئے، مجھے اس بات کا بےحد دکھ ہے، مجھے اس وائرس پر بےحد غصہ آرہا ہے شیف مائیکل اینتھونی کے مطابق فلویئڈ کارڈوز سے بہت کچھ سیکھنے کو ملا ان کی شخصیت متاثر کن تھی فلویئڈ کارڈوز نے سوگواران میں والدہ بیرل، بیوہ برکھا اور دو بیٹے جسٹن اور پیٹر چھوڑے.

کرونا وائرس کی تباہ کاریاں سے متعلق تازہ ترین معلومات