شہبازشریف کا شاہدرہ میں ایل پی جی ٹینکر حادثہ میں قیمتی جانوں کے ضیاع پر دکھ اور افسوس کا اظہار

جمعرات 26 مارچ 2020 17:22

اسلام آباد ۔ (اُردو پوائنٹ اخبارتازہ ترین - اے پی پی۔ 26 مارچ2020ء) پاکستان مسلم لیگ (ن) کے صدر، قائد حزب اختلاف شہبازشریف نے شاہدرہ میں ایل پی جی ٹینکر حادثہ میں قیمتی جانوں کے ضیاع پر دکھ اور افسوس کا اظہار کیا ہے۔

(جاری ہے)

جمعرات کو اپنے تعزیتی پیغام میں انہوں نے مطالبہ کیا کہ اس واقعہ کی تحقیقات کرائی جائے اور نااہلی اور غفلت کے ذمہ داروں کا تعین کیا جائے، حادثہ میں جاں بحق ہونے والے شہریوں کی مالی امداد کی جائے، مزدوروں کے نقصانات کا ازالہ کیا جائے، جن لوگوں کے رکشہ جلے ہیں انہیں نئے رکشہ دیئے جائیں۔

انہوں نے کہا کہ متاثرہ خاندانوں سے دلی ہمدردی اور تعزیت کرتے ہیں۔انہوں نے دعا کی کہ اللہ تعالی جاں بحق ہونے والوں کو اپنے جوار رحمت میں جگہ عطا کرے۔ قائد حزب اختلاف نے زخمیوں کی جلد صحت یابی کیلئے بھی دعا کی۔