پی ایس ایل فرنچائز پشاور زلمی کی جانب سے کورونا وائرس کے خلاف احتیاطی تدابیر کے حوالے سے آگاہی مہم جاری

پشاور زلمی چیرمین جاوید آفرہدی، ہیڈکوچ ڈیرن سیمی، کپتان وہاب ریاض ، حسن علی اور امام الحق کے کورونا وائرس کے حوالے سے خصوصی پیغامات

جمعرات 26 مارچ 2020 23:16

پی ایس ایل فرنچائز پشاور زلمی کی جانب سے کورونا وائرس کے خلاف احتیاطی ..

پشاور (اُردو پوائنٹ اخبارتازہ ترین۔ 26 مارچ2020ء) میڈیا اور برانڈ ویلیو کے لحاظ سے پی ایس ایل کی نمبرون فرنچائز پشاور زلمی کی جانب سے کورونا وائرس کے حوالے سے احتیاطی تدابیر کے لیے خصوصی مہم جاری یے۔ پشاور زلمی کے تمام ڈیجیٹل پلیٹ فارمز سے زلمی اسٹار کرکٹرز کے خصوصی ویڈیو پیغامات اپ لوڈ کیے گئے ۔

(جاری ہے)

ہیڈ کوچ ڈیرن سیمی ، کپتان وہاب ریاض ، حسن علی اور امام الحق نے اپنے پیغامات میں لوگوں سے درخواست کہ کہ کورونا وائرس سے بچنے اور اس کے مزید پھیلاو کو روکنے کے لیے سب لوگ گھر میں رہیں ۔

میل جول کم سے کم رکھیں ، ہاتھ ملانے سے گریز کریں اور بار بار ہاتھ دھوتے رہیں ۔پشاور زلمی کے چیرمین جاوید آفریدی نے خصوصی طور پر پشتو ویڈیو پیغام جاری کیا اور آگاہی مہم میں لوگوں سے احتیاطی تدابیر اختیارکرنے کی درخواست کی۔ جاوید آفریدی نے سندھی زبان میں بھی کورونا وائرس کے حوالے سے احتیاطی تدابیر کا ٹوئیٹ کیا۔ پشاور زلمی , زلمی فاونڈیشن اور زلمی فورس کے پلیٹ فارم سے آگاہی مہم کے لیے روزانہ انگلش اردو پشتو زبانوں میں پوسٹس بھی کی جارہی ہیں ۔