عوام جب تک سماجی دوری نہیں اپنائے گی یہ مرض پھیلتا جائے گا، وزیراعلیٰ سندھ

اتوار 19 اپریل 2020 00:32

کراچی (اُردو پوائنٹ اخبارتازہ ترین - آن لائن۔ 18 اپریل2020ء) وزیراعلیٰ سندھ سید مراد علی شاہ نے کہا ہے کہ عوام جب تک سماجی دوری نہیں اپنائے گی یہ مرض پھیلتا جائے گا، سوشل میڈیا پر جاری ویڈیو بیان میں مراد علی شاہ نے کہا کہ کل ہم نے 2217 ٹیسٹ کیے، ان ٹیسٹ میں 138 نئے مریض انفیکشن سامنے آئے،مریضوں کی کل تعداد 2355 ہوگئی ہے،کل ایک مریض دنیا سے رخصت ہوگیا،جان بحق ہونے والوں کی تعداد 48 ہوگئی ہے،ساؤتھ اور ایسٹ کے گنجان آبادیوں میں کیسز بڑھنا تشویشناک بات ہے،انہوں نے مزید کہا کہ آٴج کھارادر، لیاری اور بہار کالونی میں زیادہ کیسز آئے ہیں، ہم کچی آبادیوں میں ٹیسٹ بڑھا رہے ہیں، عوام جب تک سماجی دوری نہیں اپنائے گی یہ مرض پھیلتا جائے گا، کل 11 مریض صحتیاب ہوکر گھروں کو چلے گئے، صحتیاب ہونے والے مریضوں کی تعداد 592 ہوگئی ہے، تبلیغی جماعتوں کے 477 افراد وائرس سے متاثر ہوئے ہیں، تبلیغی جماعتوں کے 123 افراد کے نتائج ا?نا باقی ہیں،۔