روس کا امریکہ کو سرپرائز، امدادی سامان کے ساتھ بل بھی بھجوا دیا

روس نے امریکہ کو امدادی طبی سامان کے ساتھ 6 لاکھ ڈالر کا بل بھجوایا

ہفتہ 2 مئی 2020 22:57

روس کا امریکہ کو سرپرائز، امدادی سامان کے ساتھ بل بھی بھجوا دیا

ماسکو(اُردو پوائنٹ اخبارتازہ ترین - آن لائن۔ 02 مئی2020ء) روس نے امریکہ کو امدادی سامان کے ساتھ ساتھ بل بھی بھیج دیا۔تفصیلات کے مطابق روس نے امریکہ کو کورونا وائرس سے متعلق امدادی طبی سامان کے ساتھ 6 لاکھ ڈالر کا بل بھی بھیج دیا ہے۔روس کی جانب سے امریکہ کو بھجوائے گئے امدادی سامان میں وینٹی لیٹرز اور دیگر اشیا شامل ہیں۔امریکی میڈیا کے مطابق یہ سامان کسی خصوصی پرواز کی بجائے عام کارگو پرواز میں بھجوایا گیا۔

60 ٹن سامان میں 45 وینٹیلیٹر شامل ہیں۔تاہم وولٹیج استعمال کرنے کی وجہ سے امریکہ میں یہ وینٹی لیٹرز بیکار ہیں۔علاوہ ازیں سامان میں کیمیائی ہتھیاروں سے بچا کے لئے استعمال ہونے والے ماسک اور گھریلو استعمال کے ہین گلوز بھی شامل ہیں۔سامان کی قیمت 13 لاکھ ڈالر بنتی ہے تاہم امریکہ محکمہ داخلہ کو صرف چھ لاکھ ڈالر کا بل بھیجا گیا ہے۔

(جاری ہے)

روسی صدر ولادیمیر پوٹن نے مارچ میں امریکی صدر ڈونلڈ ٹرمپ کو فون پر طبی سامان بھجوانے کی پیشکش کی تھی سے ڈونلڈ ٹرمپ نے قبول کیا تھا۔

امریکی صدر کا ایک بیان میں کہنا تھا کہ روس کورونا کے خلاف لڑنے کے لیے بہت بڑا امدادی پیکیج بھیج رہا ہے۔ روسی صدر نے کورونا وائرس کے خلاف جنگ میں امریکی صدر کو امداد کی پیشکش کی تھی جس کو امریکی صدر نے قبول کر لیا تھا جس کے بعد روس کا جہاز ماسک اور کورونا وائرس کی وبا سے حفاظت کے لیے دیگر طبی امدادی سامان لے کر امریکہ روانہ ہوا۔خیال رہے کہ روس کو بھی بڑے پیمانے پر مہلک وبا کا سامنا ہے۔

روس میں کورونا کے مریضوں کی تعداد ایک لاکھ سے اوپر چلی گئی ہے، مزید سات ہزار مریض سامنے آگئے، جبکہ 101افراد جان سے چلے گئے۔ غیر ملکی میڈیا کے مطابق روس میں اموات کی تعداد ایک ہزار سے اوپر ہوچکی ہے جبکہ روسی وزیراعظم بھی کورونا وائرس کا شکار بن گئے۔دوسری جانب روس کورونا وائرس کے ٹیسٹ کرنے میں دوسرے نمبر پر آگیا ہے، جہاں اب تک 34 لاکھ افراد کے کورونا ٹیسٹ ہوچکے ہیں جن میں سے ایک لاکھ میں وائرس کی تصدیق ہوچکی ہے، امریکا میں کورونا کے 62 لاکھ سے زیادہ ٹیسٹ کیے گئے ہیں۔۔