ملک بھر کے تعلیمی ادارے یکم جون کے بعد بھی بند رکھنے کا اصولی فیصلہ کرلیا گیا

کورونا وائرس کے پھیلاؤ کا خدشہ ہے، تعلیمی ادارے بند رکھے جائیں، تین صوبوں کا مطالبہ

بدھ 6 مئی 2020 16:40

اسلام آباد (اُردو پوائنٹ اخبارتازہ ترین - این این آئی۔ 06 مئی2020ء) ملک بھر کے تعلیمی ادارے یکم جون کے بعد بھی بند رکھنے کا اصولی فیصلہ کرلیا گیا ۔ بدھ کو وفاقی وزیر تعلیم شفقت محمود کی زیر صدارت بین الصوبائی وزرائے تعلیم کانفرنس ہوئی جس میں صوبائی وزراء نے وڈیو لنک کے ذریعے شرکت کی۔

(جاری ہے)

ذرائع نے بتایاکہ پنجاب، بلوچستان اور سندھ نے یکم جون سے تعلیمی ادارے کھولنے کی مخالفت کر دی۔ تینوں صوبو ں نے مطالبہ کیاکہ کورونا وائرس کے پھیلاؤ کا خدشہ ہے، تعلیمی ادارے بند رکھے جائیں، تین صوبوں نے مطالبہ کیا ۔ذرائع کے مطابق خیبرپختونخوا نے یکم جون سے تعلیمی ادارے کھولنے کی حمایت کر دی،صوبوں میں اتفاق نہ ہونے پر معاملہ قومی رابطہ کمیٹی کے اجلاس میں رکھنے کا فیصلہ کیا ۔