چین اور بھارت کے درمیان جنگ کا امکان ہے ، صدر آزاد کشمیر

بھارتی عزائم کو دیکھتے ہوئے چین نے صف بندی کی ہے،جنگ آسان کام نہیں ہے، سردار مسعو د خان

بدھ 27 مئی 2020 22:26

چین اور بھارت کے درمیان جنگ کا امکان ہے ، صدر آزاد کشمیر

مظفر آباد (اُردو پوائنٹ اخبارتازہ ترین - این این آئی۔ 27 مئی2020ء) آزاد کشمیر کے صدر سردار مسعود خان نے چین اور بھارت کے درمیان جنگ کا امکان ظاہر کرتے ہوئے کہا ہے کہ بھارتی عزائم کو دیکھتے ہوئے چین نے صف بندی کی ہے۔ایک انٹرو یومیں صدر آزاد کشمیر نے کہا کہ پانچ اگست کا بھارتی اقدام غیر قانونی ہے، مقبوضہ کشمیر میں بھارتی مظالم کا سلسلہ جاری ہے جبکہ بھارت نے کئی بار دھمی دی کہ آزاد کشمیر پر بھی حملہ کریں گے۔

(جاری ہے)

سردار مسعود خان نے کہا کہ جنگ آسان کام نہیں ہے لیکن انڈیا کی انتہا پسند جماعت بھارتیا جنتا پارٹی (بی جے پی) کے انتہا پسند چین پر حملہ کرنے کی بات کرتے ہیں۔انہوںنے کہاکہ اکھنڈ بھارت کا خواب چکنا چور پاکستان کی وجہ سے ہوا۔ چین نے سیکیورٹی کونسل میں پاکستان کی مدد کی۔ سردار مسعود خان نے کہا کہ چین جنگ نہیں چاہتا لیکن ہر قسم کی تیاری ہے۔ بھارت لداخ میں چین کے خلاف محاذ آرائی کر رہا تھا۔انہوں نے ایک سوال کا جواب دیتے ہوئے کہا کہ پاک چین اقتصادی راہداری چین کا فلیگ شپ پراجیکٹ ہے، وہ کسی بھی صورت سی پیک کو خطرے میں نہیں ڈالنا چاہتا۔