یوم دفاع پاکستان باسکٹ بال ٹورنامنٹ کا فائنل کل کراچی میں کھیلا جائیگا

ہفتہ 12 ستمبر 2020 22:08

کراچی(اُردو پوائنٹ اخبارتازہ ترین - این این آئی۔ 12 ستمبر2020ء) یوم دفاع پاکستان باسکٹ بال ٹورنامنٹ کا فائنل (کل) مورخہ 13ستمبر2020؁ء بروز اتوار 8بجے شب انٹر نیشنل عبدالناصر باسکٹ بال کورٹ آرام باغ کراچی پر کھیلا جائیگا ،فائنل تقریب کے مہمان خصوصی اسپیشل سیکریٹری اسپورٹس اینڈ یوتھ آفیئر ریاض علی عباسی کھلاڑیوں میںانعامات تقسیم کرینگے ۔

ٹورنامنٹ میں آج مزید 2کوارٹر فائنل کے فیصلے ہوگئے ۔پہلے کوارٹر فائنل میں نشتر کلب نے مد مقابل کراچی بلز کو 45کے مقابلے میں 48پوائنٹس سے شکست دیکر سیمی فائنل کے لئے کوالیفائی کرلیا ،فاتح کلب کی جانب سے فرقان احمد 16،علی چن زیب 15اور وارن نی11جبکہ رنر اپ کلب کی جانب سے سفیر حسین22،حیدر حسین 10اور ذیشان نی10پوائنٹس اسکور کئے ۔

(جاری ہے)

جبکہ دوسرے کوارٹر فائنل میچ میں عسکری کلب نے مد مقابل ون یونٹ کلب کو 46کے مقابلے میں 58باسکٹ پوائنٹس سے مات دیکر سیمی فائنل میں قدم جمائی ،فاتح کلب کی جانب سے محمد انس 20شاہ میر ظہیر 18اور اعصام حسین نے 16جبکہ رنر اپ کلب کی جانب سے تاشفین زیدی 15سالار حسین 13اور طلال نے 11پوائنٹس اسکور کئے،کھیلے گئے میچوں میں ریفریز کے فرائض طارق حسین ،سید مصنف شاہ ،زاہد ملک ظفر اقبال اور ممتاز احمد نے انجام دیئے جبکہ ٹیکنیکل آفیشلز ڈاکٹر نعیم ،زعیمہ خاتون اور عامر شریف تھے،میچ سے قبل یوم شہادت پر میجر راجہ عزیز بھٹی کے ایصال ثواب کے لئے خصوصی دعا کی گئی ،میچ کے اختتام پر آج کے دن شاندار پر فارمنس پر مین آف دی ڈے عسکری کلب کے پلیئر محمد انس کو ڈائریکٹر اسپورٹس بلدیہ جنوبی آصف عظیم نے میجر طفیل شہید نشان حیدر ایوارڈ سے نوازا۔