Live Updates

کارکنان بلدیاتی الیکشن کی بھرپور تیاری کریں، فیروز خان

بدھ ستمبر 16:31

کراچی (اُردو پوائنٹ اخبارتازہ ترین - این این آئی۔ 23 ستمبر2020ء) مسلم لیگ (ن)ضلع ملیر کے صدر فیروز خان نے کہا ہے کہ کارکنان بلدیاتی الیکشن کی تیاری کریں ۔ضلع ملیر کو نواز شریف کا قلعہ ثابت کریں گے ۔ان خیالات کا اظہار انہوں نے یوسی 03 میں ورکرز اجلاس سے خطاب کرتے ہوئے کیا۔ اس سے قبل فیروز خان اجلاس میں شرکت کیلئے پہونچے تو کارکنان نے فلک شگاف نعروں سے ان کا استقبال کیا اور خیر مقدمی نعرے لگائے پھولوں کے ہار پہنائے اور پھولوں کی پتیاں نچھاور کیں ، کارکنان نواز شریف زندہ آباد، شہباز شریف زندہ آباد اور مسلم لیگ زندہ آباد کے نعرے لگارہے تھے ۔

بعد ازاں اپنے خطاب میںضلع ملیر کے صدر فیروز خان نے کہا کہ چھوٹی سی کارنر میٹنگ جلسے میں تبدیل ہوگئی ہے ۔ ان شاء اللہ بلدیاتی انتخابات میں ثابت کردیں گے کہ ملیر کا ضلع نواز شریف کا قلعہ ہے ۔

(جاری ہے)

انہوں نے کہا کہ عوام میں نواز شریف کی مقبولیت میں اضافہ ہورہا ہے ۔ ان شاء اللہ ضلع ملیر کے کارکنان کی طاقت اور اتحاد سے بلدیاتی الیکشن میں مسلم لیگ (ن) بھرپور کامیابی حاصل کرے گی ۔

انہوں نے کہا کہ ٹکٹوں کی تقسیم میں پارٹی کے فعال اور مخلص کارکنان کی رائے کو اہمیت دیں گے ۔ فیروز خان نے کہا کہ کارکنان اپنے اندر سے خود امیدواروں کو سامنے لائیں۔ انہوں نے کہا کہ نواز شریف کے بیانیے میں جمہوریت اور ووٹ کے تقدس کی بقاء ہے ۔ انہوںنے شاندار پروگرام کے انعقاد پرمیزبان یوسی 3کے صدر ہدایت اللہ کو خراج تحسین پیش کیا ۔ اجلاس سے ضلعی جنرل سیکریٹری ملک شیر احمد، برکت علی ، اسرار خان، بخت رواں، احمد اعوان، ایاز بنگش، نے خطاب کیا۔ اس موقع پر سینئر نائب صدراسرار خان، ایڈیشنل جنرل سیکریٹری بخت رواں، سینئر رہنماء امجد اعوان، سید ساجد شاہ، ملک سلمان، رفیع اللہ، راجہ شمریز ، محمد وقاص، سلطان زیب، محمد رضوان ودیگر نے شرکت کی۔
پی ڈی ایم کے جلسے سے متعلق تازہ ترین معلومات