کوئٹہ پریس کلب کی گولڈن جوبلی تقریب،
بلوچستان اسمبلی ، قومی اسمبلی میں بلوچستان کی سیٹوں کے اضافہ کے متعلق صوبے کی تمام سیاسی پارٹیوں کو اس ضمن میں ایک پیج پر مشترکہ موقف اپنانا ہوگا،ہماری رپورٹ کی سفارشات کی روشنی میں وفاقی حکومت جنوبی بلوچستان کے لئے خصوصی پیکیج کا جلد اعلان کرے گی ،ڈپٹی سپیکرقومی اسمبلی قاسم خان سوری
بدھ 23 ستمبر 2020 23:09
(جاری ہے)
ہماری رپورٹ کی سفارشات کی روشنی میں وفاقی حکومت جنوبی بلوچستان کے لئے خصوصی پیکیج کا جلد اعلان کرے گی۔
ان خیالات کااظہار انہوں نے بدھ کو کوئٹہ پریس کلب کے پچاس سال مکمل ہونے پر گولڈن جوبلی تقریبا ت کے سلسلے میں منعقدہ مجلس مذاکرہ بعنوان قومی وبلوچستان اسمبلی کی نشستوںمیں اضافہ سے متعلق تقریب سے صدارتی خطاب کرتے ہوئے کیا۔ مجلس مذاکرہ سے کوئٹہ پریس کلب کے صدر رضا الرحمن ، عوامی نیشنل پارٹی کے مرکزی جوائنٹ سیکرٹری سردار رشید خان ناصر ، نیشنل پارٹی کے مرکزی جنرل سیکرٹری جان بلیدی ، بلوچستان عوامی پارٹی کے مرکزی سیکرٹری اطلاعات چوہدری شبیر احمد ، ہزارہ ڈیموکریٹ پارٹی کے مرکزی سیکرٹری اطلاعات رکن صوبائی اسمبلی قادر نائل سابق میئر کوئٹہ اور مسلم لیگ کوئٹہ ڈویژن کے صدر رحیم کاکڑ سابق پراسیکیوٹر جنرل طارق محمود بٹ ، جمعیت علماء اسلام نظریاتی کے مرکزی نائب امیر مولانا عبدالقادر لونی، جماعت اسلامی بلوچستان کے جنرل سیکرٹری مولانا ہدایت اللہ بلوچ ، بلوچستان نیشنل پارٹی عوامی کے سیکرٹری اطلاعات ڈاکٹر ناشناس لہڑی، بی این پی مینگل کے ٹکری شفقت لانگواور دیگر نے بھی خطاب کرتے ہوئے کہا کہ کوئٹہ پریس کلب کی انتظامیہ کو اس طرح مجالس آگے قائم رکھنے کی روایت ڈالنی چاہیے، بلوچستان سے قومی اسمبلی اور صوبائی اسمبلیوں کی نشستوں میںا ضافے کے متعلق کوئی تمام سیاسی پارٹیو ں کی کوئی دہرائے نہیں ہم سب کا متفقہ فیصلہ ہے کہ قومی اسمبلی اور بلوچستان اسمبلی کی نشستوں میں اضافہ ہونا چاہیے تاکہ پارلیمنٹ میں صوبے بہتر انداز میں نمائندگی ہو سکے۔ ڈپٹی اسپیکر قومی اسمبلی قاسم خان سوری نے اپنے صدارتی خطاب میں کہا کہ پاکستان تحریک انصاف کی حکومت نے اپنے دو سالہ دور میں قومی اسمبلی سے 54 بلز منظور کروائے ہیں، جن میں عورت کو جائیداد میں حصہ دینے ، منی لانڈرنگ کی روک تھام، زینب الرٹ بل اور انسانی حقوق کے متعلق دیگر بلز شامل ہیں۔ انہوں نے کہا کہ پاک چین اقتصادی راہداری منصوبے کے مغربی روٹ کے ٹینڈر ژوب تاکچلاک ہو چکے ہیں اور جلد ہی اس اہم شاہراہ کی تعمیر شروع کر دی جائے گی۔ قاسم خان سوری نے کوئٹہ پریس کلب کے پچاس سال مکمل ہونے پر صدر پریس کلب اور تمام عہدیداران وممبران کو مبارک باد پیش کرتے ہوئے کہا کہ اس موقع پر ہمیںبلوچستان کے گزشتہ بیس سال کے دوران اپنے فرائض منصبی کے دوران جانوں کے نذرانے پیش کرنے والے صحافیوں اور ان کے خاندانوں کو نہیں بھولنا چاہیے ، قومی اسمبلی میں اپنے حلقہ انتخاب کوئٹہ سمیت صوبے بھر کے مسائل کا مقدمہ بھرپور انداز میںلڑ رہا ہوں۔ گوادر میں باہر سے آنے والے لوگوں کو آباد کرنے اور انہیں ووٹ کا حق دینے کے متعلق بلوچستان نیشنل پارٹی کے سربراہ رکن قومی اسمبلی سردار اختر جان مینگل نے بل قومی اسمبلی میں پیش کیا ہے جو کہ اس وقت متعلقہ قائمہ کمیٹی کے پاس چلا گیا ہے ،قائمہ کمیٹی کی سفارشات کی روشنی میں وفاقی حکومت گوادر اور بلوچستان کے لوگوں کے خدشات دور کرنے کے لئے ضرور قانونی سازی کرے گی۔انہوںنے کہا کہ بلوچستان سے قومی اسمبلی کی نشستیں کم ہونے وجہ سے اب تک ہمارے صوبے سے صرف ایک ہی وزیراعظم منتخب ہوا ہے ۔ چونکہ بلوچستان کے ایوان زریں میں نمائندوں کی تعدادباقی صوبوں کی نسبت کم ہے جو کہ مختلف پارٹیوں سے تعلق رکھتے ہیں اور ہر ایک کی اپنی سوچ اور پارٹی پالیسی ہے، آج کے مجلس مذاکرہ میں تمام پارٹیوں رہنماؤں نے جو تقاریر کی ہیں وہ میرے دل کی آواز ہے،میری ہمیشہ کوشش رہی ہے کہ بلوچستان کے لوگوں کی آواز بن کر قومی اسمبلی میں ان کا مقدمہ بھرپور انداز میں لڑ سکوں۔تقریب کے اختتام پر کوئٹہ پریس کلب کے جنرل سیکرٹری ظفر بلوچ نے ڈپٹی اسپیکر قومی اسمبلی قاسم خان سوری کو کوئٹہ پریس کلب کی گولڈن جوبلی تقریبات کا یادگار سونیئر پیش کیا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.