Live Updates

اسلام آباد، نیر حسین بخاری اور محمود خان اچکزئی کی اہم سیاسی ملاقات

احتجاجی جلسوں اور پی ڈی ایم کے اور لانگ مارچ پروگرام سمیت آئندہ کے لائحہ عمل پر طویل مشاورت پی ڈی ایم کی سربراہی کے لئے ناموں پر غور اور متفقہ فیصلہ پر اتفاق اپوزیشن نااہل حکومت سے جلد نجات کیلئے حکمت عملی طے کررہی ہے ،صوبائی سطح پر جلسوں کی تاریخوں کا اعلان جلد کر دیا جائے گا،سیکرٹری جنرل پیپلز پارٹی

جمعرات ستمبر 22:27

اسلام آباد(اُردو پوائنٹ اخبارتازہ ترین - آن لائن۔ 24 ستمبر2020ء) پاکستان ڈی موکریٹک موومنٹ کی قیادت نے حکومت کے خلاف ممکنہ تحریک کے حوالے سے باہمی مشاورت اور رابطوں کا سلسلہ تیز کر د یاہے ۔پختونخواہ میپ کے سربراہ محمود خان اچکزئی کی اس سلسلے میں سیکرٹری جنرل پیپلز پارٹی سید نیر حسین بخاری کے گھر بخاری ہاؤس آمد ہوئی جہاںسید نیر حسین بخاری نے محمود خان اچکزئی کا پرتپاک خیر مقدم کیا ۔

دونوں رہنمائوں نے ملک بھر میں احتجاجی جلسوں اور پی ڈی ایم کے اور لانگ مارچ پروگرام آئندہ کے لائحہ عمل پر طویل مشاورت کی۔اس اہم سیاسی ملاقات میں پی ڈی ایم میں شامل جماعتوں کے سربراہان کی مشاورت سے پی ڈی ایم کی سربراہی کے لئے ناموں پر غور اور متفقہ فیصلہ پر اتفاق کیا کیا۔

(جاری ہے)

بعدازاں سیکرٹری جنرل پیپلز پارٹی سید نیر حسین بخاری نے چیرمین بلاول بھٹو کو محمود خان اچکزئی سے ہونے والی اپنی ملاقات میں کی گئی مشاورت سے آگاہ کیا۔

ملاقات کے بعد جاری بیان میں نیر حسین بخاری نے کہا ہے کہ اپوزیشن جماعتیں نااہل حکومت سے جلد نجات کیلئے حکمت عملی طے کررہی ہے صوبائی سطح پر جلسوں کی تاریخوں کا اعلان جلد کر دیا جائے گا ۔یاد رہے سیکرٹری جنرل پیپلزپارٹی نیر بخاری کی رہائشگاہ بخاری ہاؤس حکومت مخالف تحریک کی سیاسی سرگرمیوں کا ایک بار پھر مرکز بن گیا ہے۔ متحدہ اپوزیشن کے باقاعدہ قیام کی بنیاد بھی مسلم لیگ ن کے سربراہ راجہ ظفر الحق کی وفد کے ہمراہ بخاری ہاؤس آمد کے بعد ڈالی گئی تھی ال پارٹیز کانفرنس کے قائدین سے ربطہ استقبال پیپلز پارٹی کی شیری رحمن مسلم لیگ کے احسن اقبال مریم اورنگزیب کی مشاورت سے قراردادوں کی تیاری میں نیر بخاری نے اہم کردار ادا کیا ہے پی ڈی ایم کے سربراہ کے نام پر مشاورت کیلئے ممتاز سیاستدان محمود خان اچکزئی کی چیرمین بلاول بھٹو کے معتمد خاص نیربخاری سے ملاقات اہم قرار دی جا رہی ہے آئندہ دنوں میں اپوزیشن جماعتوں کے قائدین کی بخاری ہاؤس آمد متوقع ہے
پی ڈی ایم کے جلسے سے متعلق تازہ ترین معلومات