نواز شریف کی تقریر نے لیگی رہنماؤں کو مشکل میں ڈال دیا

کچھ لیگی رہنماؤں سے بات ہوئی وہ نواز شریف کی تقریر کے بعد وہ بہت اپ سیٹ ہیں،ان کا خیال ہے کہ نواز شریف نے ہمارے لیے سیاست کرنا مشکل کر دیا ہے،نیب زدہ رہنماؤں کو پھر سے گرفتاری کا خطرہ ہونے لگا۔سینئر صحافی رؤف کلاسرا کا تجزیہ

مقدس فاروق اعوان ہفتہ 17 اکتوبر 2020 11:36

نواز شریف کی تقریر نے لیگی رہنماؤں کو مشکل میں ڈال دیا

لاہور (اُردو پوائنٹ اخبارتازہ ترین۔ 17 اکتوبر2020ء) گوجرانوالہ جلسے میں سابق وزیراعظم نواز شریف کی تقریر سے بعض لیگی رہنما سخت پریشان ہیں،اس بات کا دعویٰ سینئر صحافی رؤف کلاسرا کی جانب سے کیا گیا ہے۔ان کا کہنا ہے کہ میری مسلم لیگ ن کے کچھ سینئر رہنماؤں سے گفتگو ہوئی ہے۔وہ نواز شریف کی تقریرکے بعد بہت اپ سیٹ ہیں۔ن لیگ کے تین چار رہنماؤں کا خیال ہے کہ نواز شریف نے ہمارے لیے سیاست کرنا مشکل کر دیا ہے۔

جن لیگی رہنماؤں پر کیسز ہیں وہ زیادہ پریشان ہیں کہ اب ہمیں دوبارہ جیل میں ڈال دیا جائے گا۔وہ لیگی رہنما اس وقت جیل جانے کو تیار نہیں ہیں۔رؤف کلاسرا نے مزید کہا کہ اسٹیج پر بیٹھے بعض لوگوں کے لیے بھی نواز شریف کی تقریر ایک بم شیل تھا۔رہنماؤں نے آپس میں واٹس ایپ پر گفتگو کی اور کہا کہ یہ کیا ہو رہا ہے۔

(جاری ہے)

یہاں تک کہ مریم نواز کا رویہ بھی اتنا جارحانہ نہیں تھا جس کے لیے وہ مشہور ہیں۔

رؤف کلاسرا نے مزید کہا کہ موجودہ آرمی کمانڈ کے لیے بھی نواز شریف کی تقریر سرپرائز تھا۔وہ یہ توقع نہیں کر رہے تھے کہ نواز شریف آرمی چیف کا نام لے کر ان پر الزامات لگائیں گے۔اس قبل نواز شریف نام لیے بغیر تنقید کیا کرتے تھے لیکن اب وہ ایک قدم آگے چلے گئے ہیں۔نواز شریف نے سیدھے الفاظ میں کہا کہ میں آپ کو چھوڑوں گا نہیں،میں آپ کا حساب لوں گا۔

حالانکہ زیادہ گلہ پیپلز پارٹی کا بنتا تھا، کیونکہ ان کے ساتھ ماضی میں وہ کچھ ہوتا رہا جس پر وہ تنقید کر سکتے تھے۔لیکن پیپلز پارٹی اس حد تک نہیں گئی۔نواز شریف نے تو 72 سال کے مسائل کا ذمہ دار اسٹیبلشمنٹ کو قرار دیا۔سینئر صحافی نے مزید کہا کہ نواز شریف نے 71 کی جنگ کا بھی حساس موضوع چھیڑا۔انہوں نے سابق چیف جسٹس ثاقب نثار کا نام بھی لیا۔علاوہ ازیں سابق ڈی جی آئی ایس پی آر عاصم سلیم باجوہ کے بارے میں بھی سخت گفتگو کی،ہم نے پہلی بار دیکھا کہ پنجاب سے تین بار وزیراعظم بننے والے شخص نے اسٹیبلشمنٹ پر اتنی الزام تراشی کی۔مزید کیا کہا ویڈیو میں ملاحظہ کیجئے :

Facebook Twitter Google + Share on Whatsapp

نواز شریف کی تقریر نے لیگی رہنماؤں کو مشکل میں ڈال دیا

متعلقہ عنوان :

مزید اہم خبریں