چیئرمین پاکستان پیپلزپارٹی بلاول بھٹو زرداری کا پارٹی رہنما راشد حسین ربانی کوخراج عقیدت

منگل 14 اکتوبر 2025 18:57

کراچی (اُردو پوائنٹ اخبارتازہ ترین - اے پی پی۔ 14 اکتوبر2025ء) پاکستان پیپلز پارٹی کے چیئرمین بلاول بھٹو زرداری نے پارٹی رہنما راشد حسین ربانی مرحوم کو اُنکی برسی کے موقع پر شاندار الفاظ میں خراجِ عقیدت پیش کرتے ہوئے کہا ہے کہ راشد ربانی کو ہمیشہ ایک ایسے مخلص و ثا بت قدم جیالے کے طور پر یاد رکھا جائے گا جنہوں نے اپنی پوری زندگی شہید ذوالفقار علی بھٹو اور شہید محترمہ بینظیر بھٹو کے نظر یہ کے لیے وقف کر دی۔

(جاری ہے)

میڈیا سیل بلاول ہاؤس سے جاری بیان کے مطابق پی پی پی چیئرمین نے اپنے پیغام میں کہا کہ راشد ربانی وفاداری،جراَت اور ثابت قدمی کی علامت تھے۔انہوں نے مزید کہا کہ راشد ربانی مرحوم کی قربانیوں اور خدمات کو ہمیشہ عزت و احترام کے ساتھ یاد رکھا جائے گا۔چیئرمین بلاول بھٹو زرداری نے کہا کہ راشد حسین ربانی مرحوم تمام جیالوں کے لیے باعثِ تحریک ہیں، جو پارٹی کی جمہوریت، مساوات اور سماجی انصاف کی جدوجہد میں غیر متزلزل یقین رکھتے ہیں۔