ووٹ کی عزت کا تو پتہ نہیں لیکن کیپٹن (ر) صفدر کی کتنی عزت ہے سب کو معلوم ہے، اداکار شان

اپنے سیاسی فائدے کیلئے قائداعظم کا استعمال نہ کرو، اپوزیشن نے مزار قائد پر جو کیا میں اس کی سختی سے مذمت کرتا ہوں، وہ لوگ اپنے جھوٹ کو سچ کرنے کیلئے قائداعظم کا سہارا لیتے ہیں جن کا قائد لندن میں ہے کراچی میں نہیں، اداکار شان کا ٹوئٹ

شہریار عباسی پیر 19 اکتوبر 2020 22:53

ووٹ کی عزت کا تو پتہ نہیں لیکن کیپٹن (ر) صفدر کی کتنی عزت ہے سب کو معلوم ..

کراچی (اردوپوائنٹ اخبارتازہ ترین۔19 اکتوبر2020ء) گزشتہ روز مزار قائد کے احاطے میں کیپٹن (ر) صفدر کی جانب سے نعرے بازی اور ہلڑ بازی کرنے کے بعد ملک بھر میں ان کے اس عمل پر شدید ردعمل سامنے آیا ہے۔ تفصیلات کے مطابق کیپٹن (ر) صفدر کی اس حرکت پر صحافیوں، سیاستدانوں، اداکاروں اور سوشل میڈیا صارفین نے کیپٹن صفدر کو شدید تنقید کا نشانہ بنایا اور سندھ حکومت سے ان کی گرفتاری کا مطالبہ کیا ۔

سماجی رابطوں کی ویب سائٹ ٹوئٹر پر جاری پیغام میں اداکار شان نے کہا کہ اپنے سیاسی فائدے کیلئے قائداعظم کا استعمال نہ کرو ۔ اپوزیشن نے مزار قائد پر جو کیا میں اس کی سختی سے مذمت کرتا ہوں ۔ اداکار شان نے مزید کہا کہ وہ لوگ اپنے جھوٹ کو سچ کرنے کیلئے قائداعظم کا سہارا لیتے ہیں جن کا قائد لندن میں ہے کراچی میں نہیں ۔

(جاری ہے)

Don’t use quaid for political mileage..I strongly condemn this act on mizar e Quaid by the opposition . Yeh log Apnay jhoot ko sach kernay kai liyay quaid ka Sahara laitay hain inka quaid London mai hai Karachi main nahee .qaid e Azam is & will always be the symbol of the pure . pic.twitter.com/fVUVAKhCnT
— Shaan Shahid (@mshaanshahid) October 19, 2020

اداکار شان نے وفاقی وزیر اسد عمر کے کیپٹن (ر) صفدر کے حوالے سے کیے گئے ٹوئٹ کے جواب میں اداکار شان نے کہا کہ ووٹ کی عزت کا تو پتہ نہیں لیکن کیپٹن (ر) صفدر کی کتنی عزت ہے وہ ہم سب کو معلوم ہے ۔

Vote ka to pata nahee per safdar ki kitni izzat hai ... woh hum sab ko Maloom hai..
— Shaan Shahid (@mshaanshahid) October 19, 2020

وفاقی وزیر اسد عمر نے ایک ٹوئٹ کی تھی جس میں انہوں نے کیپٹن (ر) صفدر کی مزار قائد پر کھڑے ہوکر نعرے لگانے کی ویڈیو شئیر کرتے ہوئے کہا کہ نہ ان بے شرم لوگوں کو اپنی تاریخ کا پتہ نہ اپنے محسنوں کی عزت اور تقریم کے آدابِ سے واقف. ان کو میاں صاحب کے علاوہ کسی کی عزت کرنی نہیں آتی ۔ کیپٹن (ر) صفدر کو قائد کے مزار کی بے حرمتی کرنے پر ان کو قوم سے معافی مانگنی چاہیے ۔ خیال رہے کہ اس سے قبل اداکار خالد انعم بھی قائداعظم کے مزار پر ہلڑبازی پر کیپٹن صفدر کو آڑے ہاتھوں لے چکے ہیں ۔