کنٹرول لائن کے دونوں اطراف اور دنیا بھر میں مقیم کشمیری کل یومِ سیاہ منائینگے

پاکستان کے مختلف مقامات پر بھی اس دن کی مناسبت سے تقریبات کا اہتمام کیا جائیگا ، ریلیاں نکالی جائینگی

پیر اکتوبر 13:24

کنٹرول لائن کے دونوں اطراف اور دنیا بھر میں مقیم کشمیری کل یومِ سیاہ ..
لاہور(اُردو پوائنٹ اخبارتازہ ترین - این این آئی۔ 26 اکتوبر2020ء) کنٹرول لائن کے دونوں اطراف اور دنیا بھر میں مقیم کشمیری عوام آج ( منگل )یومِ سیاہ منائیں گے۔ اس دن کو یوم سیاہ کے طور پر منانے کا مقصدعالمی برادری کو یہ پیغام دینا ہے کہ وہ اپنے مادرِ وطن پر غیر قانونی اور غاصبانہ بھارتی قبضے کو مسترد کرتے ہیں۔

(جاری ہے)

یومِ سیاہ منانے کی اپیل کل جماعتی حریت کانفرنس ، حریت فورم اور دیگر آزادی پسند تنظیموں نے دی ہے۔

اس دن کی مناسبت سے بھارت کے غیر قانونی زیرِ قبضہ جموں و کشمیر میں مکمل ہڑتال ہوگی۔بھارت نے 27اکتوبر1947کو برصغیر کے تقسیم کے فارمولے کی خلاف ورزی کرتے ہوئے اور کشمیریوں کی خواہشات کے برعکس جموں و کشمیر میں اپنی فوج اتار کر اس پر ناجائز قبضہ کیا تھا۔پاکستان کے مختلف مقامات پر بھی اس دن کی مناسبت سے تقریبات کا اہتمام کیا جائے گا اور ریلیاں نکالی جائیں گی ۔