جذبہ حب الوطنی کے تحت پولیو کا خاتمہ ممکن ہو گا‘ڈپٹی کمشنر عبداللہ نیئر شیخ

منگل 27 اکتوبر 2020 12:59

سرگودہا(اُردو پوائنٹ اخبارتازہ ترین - این این آئی۔ 27 اکتوبر2020ء) ڈپٹی کمشنر عبداللہ نیئر شیخ نے کہا ہے کہ جذبہ حب الوطنی کے تحت پولیو کا خاتمہ ممکن ہو گا اس لئے فیلڈ میں مصروف ٹیمیں مقرر کردہ اپنے ٹارگٹس کو دیانت داری اور جانفشانی سے مکمل کریں ۔ بچے ہمارے ملک کا مستقبل ہیں اور ان کا روشن کل صحت مند زندگی سے وابستہ ہے اوریہ اسی صورت ممکن ہے کہ انہیں پولیو جیسی موذی بیماری سے بچایا جائے۔

انہوں نے پانچ روزہ انسداد پولیو مہم کا جائزہ لیتے ہوئے کہا کہ پولیو مہم کی کامیابی صحت مند پاکستان کی ضمانت ہے۔ قوم کے نو نہالوں کو پولیو مرض سے محفوظ رکھنے اور انہیں مستقل معذوری سے بچانے کیلئے ضروری ہے کہ پانچ سال تک کی عمر کے ہر بچے کو انسداد پولیو ویکسین کے قطرے ضرور پلائے جائیں ۔

(جاری ہے)

انہوں نے کہا کہ انسداد پولیو مہم میں پولیو ورکرز ،سماجی شخصیات ، علمائے کرام ،معززین ،والدین اور میڈیا نمائندگان اپنا بھر پور کردار ادا کریں۔

انہوں نے بتایا کہ پولیو ٹیموں کی کارکردگی کا روزانہ کی بنیاد پر جائزہ لیا جا رہا ہے اور اس ضمن میں اگلے دن کا لائحہ عمل تیا ر کیا جاتا ہے۔ ڈپٹی کمشنر نے بتایا کہ ضلع کی 167یونین کونسلوں میں پانچ لاکھ 95ہزار370پانچ سال تک کی عمر کے بچوں کو پولیوسے بچا? کے قطرے پلانے کیلئے 1634موبائل ،202فکسڈاور 82رومنگ جبکہ مجموعی طور پر 1918ٹیمیں کام کر رہی ہیں۔

381ایریا انچارج محکمہ صحت سمیت دیگر اداروں کے چار ہزار ملازمین انسداد پولیو مہم میں حصہ لے رہے ہیں۔ انہوں نے کہا کہ پولیو ورکرز کی سیکورٹی کو بھی یقینی بنایا گیا ہے۔انہوں نے بتایا کہ ڈبلیو ایچ او کی ہدایت پر سرگودہا سمیت پنجاب کے 33اضلاع میں انسداد پولیو مہم شروع ہے۔ جس کا مقصد کرونا لاک ڈائون کے دوران قطرے پینے سے محروم رہ جانے والے بچوں کو قطرے پلانا ہی-