بزدارحکومت کا آٹے کی قیمتوں میں استحکام کیلئے عوام دوست اقدام،فلور ملوں کیلئے روزانہ گندم کوٹہ25ہزار ٹن کردیا گیا

کوٹے میں اضافے کا فیصلہ عوامی مفاد میں کیا،آٹے کی قیمتوں اور گندم کے اجراء کوخود مانیٹر کررہا ہوں : وزیر اعلی عثمان بزدار

منگل 27 اکتوبر 2020 19:12

بزدارحکومت کا آٹے کی قیمتوں میں استحکام کیلئے عوام دوست اقدام،فلور ..

لاہور (اُردو پوائنٹ اخبارتازہ ترین - آن لائن۔ 27 اکتوبر2020ء) بزدار حکومت نے آٹے کی قیمتوں میں استحکام کیلئے عوام دوست اقدام اٹھاتے ہوئے فلور ملوں کیلئے گندم کے کوٹے میں اضافے کا فیصلہ کیا ہے اوروزیراعلیٰ پنجاب سردار عثمان بزدار نے فلور ملوں کیلئے روزانہ کی بنیاد پرگندم کا کوٹہ 25ہزار ٹن کرنے کی منظوری دے دی ہے۔

(جاری ہے)

وزیراعلیٰ عثمان بزدار کا کہنا ہے کہ فلور ملوں کیلئے گندم کا کوٹہ بڑھانے کا فیصلہ صوبے کے عوام کے مفادات کو مدنظر رکھ کر کیا گیاہے اور اس اقدام سے آٹے کی قیمت میں استحکام آئے گا۔

انہوںنے کہا کہ پنجاب واحد صوبہ ہے جہاں 20کلو آٹے کا تھیلا860 روپے میں دستیاب ہے۔آٹے کی قیمتوں اورفلور ملوں کو گندم کے اجراء کو ذاتی طورپر مانیٹر کررہا ہوں۔عوام کو ریلیف دینے کیلئے ہر ممکن اقدام اٹھاتے رہیں گے۔