Live Updates

’قیامت کے دن اللہ پوچھے گا‘، حمزہ شہباز کا مہنگائی پر حکومت کو جھاڑنے والا پرانا کلپ وائرل

روز پٹرول بم گرتا ہے، عوام کے گھروں میں ماتم ہوتا ہے، مہنگائی نے غریب آدمی کو ذہنی مریض بنا دیا ہے؛ ن لیگی رہنماء کا ماضی کا بیان

ساجد علی ہفتہ 9 مئی 2026 11:18

’قیامت کے دن اللہ پوچھے گا‘، حمزہ شہباز کا مہنگائی پر حکومت کو جھاڑنے ..

لاہور (اُردو پوائنٹ اخبارتازہ ترین۔ 09 مئی2026ء) مسلم لیگ ن کے رہنما اور سابق وزیراعلیٰ پنجاب حمزہ شہباز شریف کی ایک پرانی ویڈیو انٹرنیٹ پر تیزی سے وائرل ہو رہی ہے، جس میں وہ مہنگائی اور پٹرول کی قیمتوں پر اس وقت کی حکومت کو کڑی تنقید کا نشانہ بنا رہے ہیں۔ تفصیلات کے مطابق سوشل میڈیا پلیٹ فارم 'ایکس' پر مسلم لیگ ن کے مرکزی رہنما حمزہ شہباز شریف کی ایک ویڈیو گردش کر رہی ہے جس نے نئی بحث چھیڑ دی ہے، یہ ویڈیو اس وقت کی ہے جب ن لیگ اپوزیشن میں تھی اور حمزہ شہباز مہنگائی کے ستائے عوام کی ترجمانی کرتے ہوئے جذباتی خطاب کر رہے تھے، وائرل ہونے والے کلپ میں حمزہ شہباز کو انتہائی جارحانہ اور جذباتی انداز میں کہتے سنا جا سکتا ہے۔

مسلم لیگ ن کے رہنماء کا کہنا تھا کہ روز پٹرول بم گرتا ہے اور غریب عوام کے گھروں میں ماتم ہوتا ہے، مہنگائی نے غریب آدمی کو ذہنی مریض بنا دیا ہے، وہ اپنے بچوں کا پیٹ پالنے سے قاصر ہے، قیامت والے دن اللہ تعالیٰ پوچھے گا کہ جب میری قوم بھوکی پیاسی تھی، جب میری مخلوق بے یار و مددگار تھی، تو آپ اس وقت کیا کر رہے تھے؟۔

(جاری ہے)

روز پیٹرول بم گرتا ہے، عوام کے گھروں میں ماتم ہوتا ہے، قیامت والے دن اللہ پوچھے گا کہ جب میری قوم بھوکی پیاسی تھی، مہنگائی نے غریب آدمی کو ذہنی مریض بنا دیا تھا، آپ اس وقت کیا کر رہے تھے جب میری مخلوق بے یارومدد گار تھی۔ حمزہ شہباز شریفpic.twitter.com/KNscBk5cO0
— Ahmad Warraich (@ahmadwaraichh) May 8, 2026

خیال رہے کہ یہ ویڈیو ایک ایسے وقت میں وائرل کی گئی ہے جب ملک میں پٹرول کی قیمتیں 414 روپے کی تاریخی سطح کو چھو رہی ہیں اور حکومت نے پٹرولیم لیوی میں بھی بھاری اضافہ کر دیا ہے، حکومتی نوٹیفکیشن کے تحت پٹرول اور ڈیزل کی قیمتوں میں جو تبدیلیاں کی گئی ہیں، ان کے نتیجے میں پٹرول 14 روپے 92 پیسے مہنگا ہونے کے بعد 414 روپے 78 پیسے لٹر ہوچکا ہے، ہائی اسپیڈ ڈیزل بھی 15 روپے مہنگا ہونے کے بعد 414 روپے 58 پیسے فی لٹر پر پہنچ چکا ہے۔