چیف سیکریٹری آزاد حکومت اور چیئر مین بینک آف آزاد جموں و کشمیر ڈاکٹر شہزاد خان بنگش کی زیرصدارت بینک کے بورڈ آف ڈائریکٹرز کا 49واں اجلاس

مظفر آباد(اُردو پوائنٹ اخبارتازہ ترین - آن لائن۔ 27 اکتوبر2020ء) چیف سیکریٹری آزاد حکومت اور چیئر مین بینک آف آزاد جموں و کشمیر ڈاکٹر شہزاد خان بنگش کی زیرصدارت منگل کویہاں بینک کے بورڈ آف ڈائریکٹرز کا 49واں اجلاس منعقد ہوا۔اجلاس کے آغاز پر صدر بینک خاور سعید نے بورڈ کوششماہی کارکردگی کے اہم نکات سے آگاہ کیا ۔ بورڈنے ششماہی ریکارڈز وحسابات(30 جون2020تک) کا جائزہ لینے کے بعد ان کی منطور ی دے دی۔

بورڈ نے بینک کی کامیابی اور ترقی کے لئے کئے گئے اقدامات کا جائزہ لیا اور امید ظاہر کی کہ بینک 2020کے اہداف عبور کرے گا۔چیئر مین نے معزز صارفین کی بہترین خدمات میں مزید تیزی لانے کی ہدایت کی ۔سی ایف او شاہد شہزاد میر نے فنانشل بزنس پر بریفنگ دی۔بورڈ نے بینک کی 14سالہ تاریخ میں پہلی بار سال 2020کی پہلی ششماہی میں شاندار کارکردگی کا مظاہرہ کرتے ہوئے ریکارڈ منافع کمانے ، ڈیپازٹس اور ترسیلات زر سمیت دیگر شعبہ جات میں بھی قابل قدر اضافہ کو قابل تعریف قرار دیا۔

(جاری ہے)

اعداد و شمار کے مطابق گزشتہ سال2019 کی پہلی ششماہی کے دوران بینک نی12.34 ملین منافع کمایا تھاجب کہ سال 2020کی پہلی ششماہی میں بینک نے 168.12ملین روپے منافع کمایا جو کہ ایک ریکارڈ ہے۔ یوں2020کی پہلی ششماہی میںمنافع میں اضافہ کی شرح 1263فی صد ریکارڈ کی گئی ہے۔منافع کے علاوہ بینک نے دیگر شعبہ جات میں بھی شاندار کارکردگی کا مظاہرہ کیا۔ سال 2020کی پہلی ششماہی کے دوران بینک کے ڈیپازٹس میں 22فی صد جب کہ بینک کے ہوم ریمٹنس یا بیرونی ترسیلات زر میں 173فی صد اضافہ ہوا ہے۔

اسی طرح سال 2020کی پہلی ششماہی کے دوران بینک کے حصص کی قدر میں 515فی صد اضافہ دیکھنے میں آیا جو کہ چیئر مین بینک کی سرپرستی اور بینک کے صدر کی زیر قیادت بینک انتظامیہ کی محنت اور بینک پر عوام کے بھرپور اعتماد کا غماز ہے۔اس موقع پر صدر بینک نے بورڈ ممبران کے تعاون کا شکریہ ادا کیا۔ اجلاس میں ڈائریکٹرز ایس ایم بی آر فیاض علی عباسی،سیکریٹری فنانس عصمت اللہ شاہ، سیکریٹری جنگلات و اکلاس سید ظہورالحسن گیلانی، سیکریٹری انڈسٹریز محمد احسن، سینئر بینکار راجہ ممتازعلی،چارٹرڈ اکائونٹنٹ اعجاز حسین راٹھور، بزنس مین نوید صادق اور سیکریٹری بورڈ معاذ اللہ خان نے بھی شرکت کی۔

اجلاس میں امید ظاہر کی گئی کہ چیئر مین بینک کی سرپرستی میں بینک دن دوگنی ، رات چوگنی ترقی کی منازل طے کرے گا۔