ہفتہ سے بالائی علاقوں میں موسم سرما کی پہلی بارش اور پہاڑوں پر برفباری کا امکان ہے،محکمہ موسمیات

بدھ 11 نومبر 2020 00:06

لاہور (اُردو پوائنٹ اخبارتازہ ترین - آن لائن۔ 10 نومبر2020ء) محکمہ موسمیات نے آئندہ ہفتے کے روز سے بالائی علاقوں میں موسم سرما کی پہلی بارش اور پہاڑوں پر برفباری کا امکان ظاہر کیا ہے۔محکمہ موسمیات کے مطابق ہفتہ سے پیر اسلام آباد، راولپنڈی، اٹک، چکوال، جہلم، میانوالی، خوشاب، سرگودھا اور فیصل آباد میں ہفتہ سے پیر تک بارش کا امکان ظاہر کیا ہے۔

(جاری ہے)

اس کے علاوہ جمعہ سے ہفتہ کے دوران بھکر، لیہ، بنوں اور ڈی آئی خان میں بھی ہلکی بارش متوقع ہے۔ کوہاٹ، وزیرستان، کرم ایجنسی اور کشمیر میں بارش اور پہاڑوں پر برف باری کا امکان ہے۔اس کے علاوہ ایبٹ آباد، ہری پور، چارسدہ، مردان، پشاور، بونیر، کوہستان، مانسہرہ، چترال، ملاکنڈ میں بارش اور پہاڑوں پر برفباری کا امکان ہے۔ محکمہ موسمیات کے مطابق مغربی ہواؤں کا سلسلہ جمعہ کو بالائی علاقوں میں داخل ہوگا۔ بارش لانے والا یہ سلسلہ پیر تک ملک کے بالائی علاقوں پر رہے گا۔