بھارت کشمیریوں کی آواز کو دبانے کیلئے ہر قسم کے ہتھکنڈے استعمال کر رہا ہے،دیویندر سنگھ

عالمی برادری کو مقبوضہ علاقے کی صورتحال سے بے خبر رکھنے کیلئے علاقے میں میڈیا پر بھی قدغیں عائد ہیں،شہداء کی قربانیاں ایک روز ضرور رنگ لائیں گی، چیئرمین سوشل پیس فورم

ہفتہ نومبر 11:51

سرینگر (اُردو پوائنٹ اخبارتازہ ترین - این این آئی۔ 21 نومبر2020ء) بھارت کے غیر قانونی طور پر زیر قبضہ جموںوکشمیر میں سوشل پیس فورم کے چیئرمین ایڈووکیٹ دیویندر سنگھ بہل نے کشمیری شہداء کو شاندار خراج عقیدت پیش کرتے ہوئے کہا ہے کہ شہداء کی عظیم قربانیاں ایک روز ضرور رنگ لائیں گی۔ کشمیر میڈیاسروس کے مطابق دیویندر سنگھ بہل کی قیادت میں سوشل پیس فورم کا ایک وفد بھارتی فوجیوں کے ہاتھوں گزشہ ما ہ شہید ہونے والے نوجوانوں سجاد احمد ملہ، جنید رشید وانی اور وسیم احمد ماگرے کے اہلخانہ کیساتھ اظہار یکجہتی کیلئے امام صاحب شوپیاں ، ٹہاب پلوامہ اور کولگا م کے علاقوں میں گیا۔

دیویندر سنگھ نے اس موقع پر مزید کہا کہ کشمیر ی ایک عظیم مقصد کیلئے جدوجہد کر رہے ہیں اور وہ اپنی وجد وجہد ضرور کامیاب ہونگے۔

(جاری ہے)

انہوںنے کہا کہ بھارت کشمیریوں کی آواز کو دبانے کیلئے ہر قسم کے ہتھکنڈے استعمال کر رہا ہے اور اس نے عالمی برادری کو مقبوضہ علاقے کی صورتحال سے بے خبر رکھنے کی غرض سے علاقے میں میڈیا پر بھی قدغیں عائد کر رکھی ہیں۔

انہوںنے کہا کہ اب بھارت مقبوضہ علاقے یں نام نہاد ضلعی ترقیاتی کونسل کا انتخابی ڈھونگ رچانے جا رہا ہے جسے کشمیری عوام نے مسترد کر دیاہے۔ سوشل پیس فورم کا وفد جماعت اسلامی کے زیر انتظام چلنے والے سراج العلوم سکول کے معلم عبدالحق بٹ کے گھر بھی گیا۔ بھارتی پولیس نے عبدالحق بٹ کو کالے قانون پبلک سیفٹی ایکٹ کے تحت نظر بند کر رکھا ہے۔

دیویندر سنگھ بہل نے نظربند معلم کے اہلخانہ کے ساتھ اظہار یکجہتی کرتے ہوئے جیلوں میں غیر قانونی طور پر نظر بند کشمیریوں کی حالت زار پر سخت تشویش ظاہر کی۔ انہوں نے کہا کہ نظر بند ں کے ساتھ جیلوں میں ناروا سلوک روا رکھا جا رہا ہے جو انتہائی قابل مذمت کی۔ انہوںنے عالمی برادری پر زور دیا کہ وہ کشمیری نظر بندوں کی رہائی کیلئے کردار ادا کرے۔