
اس وقت ملک میں بجلی کی کوئی کمی نہیں ، نئے کنکشنزدینے میں تاخیر کا کوئی جواز نہیں ،وزیر اعظم
این او سیز اور منظوری کے طریقہ کار کو صارفین کیلئے سہل بنایا جائے ،سکیم کے تحت اپنے گھر کے حصول کیلئے بنکوں سے آسان شرائط پر قرضے لینے والوں پر کسی قسم کا اضافی مالی بوجھ نہ ڈالا جائے،مختلف یوٹیلیٹی سروسز حاصل کرنے کیلئے منظوریاں لینے کے طویل مراحل کو آسان بنایا جائے، بیرون ملک بسنے والے پاکستانیوں کیلئے ملکی کاروباری سرگرمیوں میں حصہ لینے کی راہ میں حائل رکاوٹیں ترجیحی بنیادوں پر دور کی جائیں، عمران خان کا اجلاس سے خطاب
جمعرات 26 نومبر 2020 21:19

(جاری ہے)
چاروں صوبوں سے چیف سیکریٹریز اور اعلی حکام وڈیو لنک کے ذریعے اجلاس میں شریک ہوئے۔
اجلاس کو توانائی اور پٹرولیم ڈویژنوں کی طرف سے نئے تعمیراتی منصوبوں کیلئے بجلی اور گیس کنکشنز کی فراہمی میں آسانیاں پیدا کرنے کے حوالے سے بریفنگ دی سیکرٹری پٹرولیم نے اجلاس کو بتایا کہ گیس کے نئے کنکشنز کیلئے درکار این او سیز کیلئے آن لائن طریقہ کار وضع کیا جا رہاہے جس سے صارفین کیلئے آسانیاں پیداہو گی۔چیئرمین پاکستان ٹیلی کمیونیکیشن اتھارٹی نے اجلاس کو سٹیٹ بینک آف پاکستان کے ساتھ نیا پاکستان ہاؤسنگ سکیم کیلئے طے پانے والے باہمی تعاون سے متعلق آگاہ کیا۔انہوں نے بتایا کہ دلچسپی رکھنے والے درخواست گزاروں کے حوالے سے اتھارٹی ضروری معلومات بنکوں کو مہیا کرے گی۔وزیر اعظم نے واضح ہدایت کی کہ اس وقت ملک میں بجلی کی کوئی کمی نہیں ہے اس لئے نئے کنکشنز دینے میں تاخیر کا کوئی جواز نہیں انہوں نے اس ضمن میں جاری ہونے والے این او سیز اور منظوری کے طریقہ کار کو صارفین کیلئے سہل بنانے کی ہدایت کی۔وزیر اعظم نے ہدایت کی کہ سکیم کے تحت اپنے گھر کے حصول کیلئے بنکوں سے آسان شرائط پر قرضے لینے والوں پر کسی قسم کا اضافی مالی بوجھ نہ ڈالا جائے۔ انہوں نے کہا کہ حکومت کا مقصد بے گھر لوگوں کیلئے اپنی چھت مہیا کرنا ہیلہذا اس بات کو یقینی بنائیں کہ ان کو آسانیاں اور سہولتیں مہیا ہو۔وزارتِ توانائی کو نئے گرڈ سٹیشن بنانے کے حوالے سے سٹینڈرڈ طریقہ کار وضع کرنے اور مستقبل میں اس پر عمل پیرا ہونے کی بھی ہدایت کی گئی۔وزیر اعظم نے واضح کیا کہ مختلف یوٹیلیٹی سروسز حاصل کرنے کیلئے منظوریاں لینے کے طویل مراحل کو آسان بنایا جائے کیونکہ مروجہ طریقہ کار سے تعمیراتی شعبے کیلئے مشکلات پیدا ہو رہی ہیں۔ سیکرٹری وزارت ہاؤسنگ اینڈ ورکس نیاجلاس کوکراچی میں بننے والے رہائشی منصوبے پاکستان کوآرٹرز کے حوالے سے بتایاکہ منصوبے کے تحت 6000 اپارٹمنٹس بنائے جائینگے جس کیلئے حکومت سندھ اور دیگر متعلقہ محکموں سے مشاورت کا سلسلہ جاری ہے،منصوبے کے پہلے مرحلے میں 4 ارب روپے کی لاگت سے 700 رہائشی یونٹس پر آئندہ 3 مہینوں کے دوران کام شروع ہو جائیگا۔ انہوں نے بتایا کہ وزارت نے منظوری کے بعد اسلام آباد میں 5 ملکیتی پلاٹوں کی 13 ارب روپے سے زائد میں نیلامی کی جس سے 50 ارب روپے مالیت کی سرمایہ کاری کے علاوہ 10000 لوگوں کو روزگار میسر ہوگا۔اس موقع پر وزیر اعظم نے چیئرمین ایف بی آر اور دیگر متعلقہ اداروں کو سرمایہ کاری کرنے والے اورسیز پاکستانیز کیلئے سہولتیں فراہم کرنے کی ہدایت کی۔ وزیراعظم نے تاکید کی کہ بیرون ملک بسنے والے پاکستانی ہمارا قیمتی سرمایہ ہے اس لئے ان کے لئے ملکی کاروباری سرگرمیوں میں حصہ لینے کی راہ میں حائل رکاوٹیں ترجیحی بنیادوں پر دور کی جائیںمزید اہم خبریں
-
جنوری میں ترسیلات زر میں کمی
-
سونے کی قیمت میں 4 ہزار روپے کا اضافہ، نئی قیمت 3 لاکھ 3 ہزار کی بلند سطح پر پہنچ گئی
-
ججوں کے تحفظات پر مبنی خطوط نے جوڈیشل کمیشن اجلاس کو متنازع بنا دیا ہے
-
مہنگائی میں کمی سے عوام کو سکھ کا کچھ سانس آیا ہے
-
وزیراعلیٰ پنجاب کا تجاوزات کے خاتمے کی مہم کی زد میں آنیوالے افراد کی بحالی کا بڑا فیصلہ
-
بنگلہ دیش میں بدامنی کی تازہ لہر، سینکڑوں افراد گرفتار
-
ایران میں 1979ء کے اسلامی انقلاب کی برسی
-
ڈیٹا سیکیورٹی ،پرائیویسی کو یقینی بنانے کیلئے بین الاقوامی سطح پر مضبوط قوانین و پالیسیوں کی ضرورت ہے،شزافاطمہ
-
وفاقی وزیر تجارت جام کمال خان بیلاروس پہنچ گئے
-
جسٹس منصور علی شاہ اور جسٹس منیب نے جوڈیشل کمیشن کے اجلاس کا بائیکاٹ کر دیا
-
26ویں آئینی ترمیم کا فیصلہ آنے تک جوڈیشل کمیشن اجلاس موخر ہونا چاہیے تھا، بیرسٹرگوہر
-
نائب وزیراعظم سینیٹرمحمد اسحاق ڈار کی زیر صدارت قونصلر اور قانونی امور سے متعلق اجلاس
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2025, UrduPoint Network
All rights of the publication are reserved by UrduPoint.com. Reproduction without proper consent is not allowed.