او آئی سی کی جانب سے بھارت کو منہ توڑ جواب ملے گا، شاہ محمود قریشی

بھارت سے پروپیگنڈے کے علاوہ کیا توقع کی جا سکتی ہی وزیر خارجہ کی گفتگو

جمعرات 26 نومبر 2020 22:16

او آئی سی کی جانب سے بھارت کو منہ توڑ جواب ملے گا، شاہ محمود قریشی

میانی(اُردو پوائنٹ اخبارتازہ ترین - این این آئی۔ 26 نومبر2020ء) وزیر خارجہ مخدوم شاہ محمود قریشی نے کہا ہے کہ امید (کل) جمعہ کواو آئی سی کی جانب سے بھارت کو منہ توڑ جواب ملے گا۔نائجر پہنچنے کے بعد ذرائع ابلاغ سے بات چیت کرتے ہوئے وزیر خارجہ مخدوم شاہ محمو د قریشی نے کہا کہ بھارت سے پروپیگنڈے کے علاوہ کیا توقع کی جا سکتی ہی انہوں نے کہا کہ بھارت پاکستان کے خلاف کوئی بھی موقع ہاتھ سے جانے نہیں دیتا ہے۔

(جاری ہے)

انہوںنے کہاکہ او آئی سی کا مقبوضہ کشمیرپروہی مؤقف ہے جو پہلے تھا۔وزیر خارجہ مخدوم شاہ محمودقریشی نے کہا کہ اوآئی سی کا اجلاس جمعہ سے باقاعدہ شروع ہوگا۔ انہوں نے کہا کہ مسلم امہ بڑے چیلنجز کا سامنا کررہی ہے۔مخدوم شاہ محمود قریشی نے کہا کہ اسلامو فوبیا بھی ایک نیا چیلنج ہے جس کا سامنا کر رہے ہیں۔وزیر خارجہ مخدوم شاہ محمود قریشی او آئی سی اجلاس میں شرکت کے لیے نائیجیریا پہنچے ہیں۔ انہوں نے راستے میں کچھ دیر کے لیے سعودی عرب میں بھی قیام کیا۔