پیپلز پارٹی پاکستان میں جمہوریت اور آئین کی عبارت ہے،شیری رحمن

پھا نسیاں، گولیاں، بم دھماکے، کوڑے، جلاوطنی اور قید پیپلز پارٹی کو عوام اور آئین کی جدوجہد سے ہٹا نہیں سکتیں، نائب صدر پیپلز پارٹی

پیر 30 نومبر 2020 21:18

پیپلز پارٹی پاکستان میں جمہوریت اور آئین کی عبارت ہے،شیری رحمن

اسلام آباد (اُردو پوائنٹ اخبارتازہ ترین - آن لائن۔ 30 نومبر2020ء) نائب صدر پیپلز پارٹی سینیٹر شیری رحمان نے کہا ہے کہ پیپلز پارٹی پاکستان میں جمہوریت اور آئین کی عبارت ہے۔ پیپلز پارٹی کے 53ویں یوم تاسیس پر اپنے پیغام میںانہوںنے شہید ذوالفقار علی بھٹو، شہید محترمہ بینظیر بھٹو اور شہدا پیپلز پارٹی کو خراج عقیدت پیش کیا ۔ انہوںنے کہاکہ بانی پیپلز پارٹی شہید ذوالفقار علی بھٹو نے 53 سال پہلے پیپلز پارٹی کی بنیاد رکھی، شہید ذوالفقار علی بھٹو پاکستان کی سیاست میں انقلاب لائے۔

(جاری ہے)

انہوںنے کہاکہ پیپلز پارٹی پاکستان میں جمہوریت اور آئین کی عبارت ہے، پیپلز پارٹی کے قائدین اور کارکنان کی قربانیوں کی مثال دنیا میں نہیں ملتی۔ انہوںنے کہاکہ پھانسیاں، گولیاں، بم دھماکے، کوڑے، جلاوطنی اور قید پیپلز پارٹی کو عوام اور آئین کی جدوجہد سے ہٹا نہیں سکتیں، پیپلز پارٹی پاکستان میں جمہوریت کی بانی جماعت ہے، پیپلز پارٹی جمہوریت، آئین اور عوام کی حکمرانی پر کبھی سمجھوتہ نہیں کرے گی۔ انہوںنے کہاکہ آج ملک کو ایک ٹولے نے تبدیلی کے نام پر یرغمال بنایا ہوا ہے، اس ٹولے سے ملک اور جمہوریت کو آزاد کرنا ہے، پیپلز پارٹی اور عوام کو آج بھی جمہوریت کے لبادے میں بیٹھے فاشسٹ حکمرانوں کے خلاف جدوجہد کرنی ہے۔