بی بی شہید سے مشابہت ، آصفہ بھٹو ٹوئٹر پر ٹاپ ٹرینڈ بن گئیں

بینیظیر بھٹو کی بیٹی کی سیاست میں زبردست انٹری، ٹوئٹر صارفین نے بینظیر کا عکس قرار دے دیا، پہلے جلسے میں عوام کے دل جیت لیے

شہریار عباسی منگل 1 دسمبر 2020 01:15

بی بی شہید سے مشابہت ، آصفہ بھٹو ٹوئٹر پر ٹاپ ٹرینڈ بن گئیں

لاہور (اُردو پوائنٹ اخبارتازہ ترین ۔ 30 نومبر 2020ء) پاکستان ڈیمو کریٹک موومنٹ (پی ڈی ایم) کے جلسے میں آصفہ بھٹو زرداری لوگوں کی خصوصی مرکز نگاہ بنی رہیں، آصفہ بھٹو نے ملتان جلسے سے اپنی سیاسی اننگ کا باقاعدہ آغاز کردیاہے۔بے نظیر بھٹو کی بیٹی آصفہ بھٹو زرداری بھی اپنی والدہ کی طرح پر اعتماد نظر آئیں، جلسہ گاہ پہنچے سے پہلے کارکنان سے آصفہ بھٹو زرداری نے مختصر خطاب بھی کیا۔

ملتان جلسے کے بعد آصفہ بھٹو زرداری سماجی رابطوں کی ویب سائٹ ٹوئٹر پر ٹاپ ٹرینڈ بن گیا۔ ٹوئٹر صارفین نے آصفہ بھٹو اور ان کی والدہ شہید بینظیر بھٹو کی تصاویر لگا کر ان کے درمیان مشابہت کی نشاندہی کی ۔

Alike or not?#asifabhutto pic.twitter.com/q2PW9CfEvG
— Shehرoz •👑 (@ShehRoz___hoon) November 30, 2020

ایک ٹوئٹر صارف نے لکھا کہ شہید بینظیر بھٹو کی چھوٹی بیٹی نے سیاست میں شاندار انٹری کی ہے۔

(جاری ہے)

ساتھ ہی آصفہ بھٹو کی اور بینظیر بھٹو کی تصویر بھی شیئر کی جس میں وہ تقریباََ ایک جیسے لباس میں نظر آ رہی ہیں ۔

The young daughter of martyred lady Benazir Bhutto is playing her energetic role in politics. She is not coming slow.#PDMJalsaMultan #asifabhutto pic.twitter.com/IzBmZPgW2a
— Ghania Qindeel (@GQindeel) November 30, 2020

ایک صارف نے لکھا کہ ’’ مجھے آصفہ بھٹو میں بینظیر بھٹو کا عکس نظر آ رہا ہے‘‘۔

I see the Reflection of Benazir Bhutto ❤️ in #asifabhutto 😻 pic.twitter.com/3oCBMkGXrR
— Adv. Mian Omer🇵🇰 (@Iam_Mian) November 30, 2020

واضح رہے کہ جلسہ گاہ میں آصفہ بھٹو کارکنان کو ہاتھ ہلا کر داد سمیٹتی رہیں۔ آصفہ بھٹو اسٹیج پر موجود لوگوں کی توجہ کا مرکز بنی رہیں۔ آصفہ بھٹو جلسے میں پی ڈی ایم میں شامل مختلف رہنمائوں کو سنتی رہیں اور تالیاں بجاتی رہیں۔مریم نواز نے آصفہ بھٹو کا ہاتھ پکڑ کے شرکاء سے اظہار تشکر کیا۔ دونوں رہنماوں نے ہاتھ اٹھا کر لوگوں سے داد وصول کی اور شرکاء کو خوب گرمایا۔تقریر کے دوران آصفہ نے جلسے میں موجود کارکنان کو سلام بھی پیش کیا، آصفہ نے اپنی تقریر ختم کرنے کے بعد تالیاں بجائیں اور نعرے بھی لگوائے۔