تلہار سمیت ضلع بدین میں گیس کا بحران شدت اختیار کرگیا

ضلع بدین کی اہم معدنی پیداوار قدرتی گیس ہے، جو پورے ملک کو سہولت فراہم کررہا ہے، وہ اپنے ہی ضلع کی عوام کو سہولت دینے میں ناکام

پیر 21 دسمبر 2020 23:52

تلہار (اُردو پوائنٹ اخبارتازہ ترین - این این آئی۔ 21 دسمبر2020ء) تلہار سمیت ضلع بدین میں گیس کا بحران شدت اختیار کرگیا۔

(جاری ہے)

پاکستان کو گیس فراہم کرنے والا ضلع اس وقت گیس کی سھولیت سے محروم ، تفصیلات کے مطابق ضلع بدین کی اہم معدنی پیداوار قدرتی گیس ہے، جو پورے ملک کو سہولت فراہم کررہا ہے، وہ اپنے ہی ضلع کی عوام کو سہولت دینے میں ناکام ہے، سردی آتے ہی تلہار سمیت ضلع بدین میں گیس کا بحران شدت اختیار کر گیا ہے، گیس صارفین کا کہنا ہے کہ گیس کی لوڈشٹنگ کی وجہ سے خواتین کو کھانہ پکانے میں شدید دشواری پیش آتی ہے، کیونکہ حالیہ مھنگائی کی وجہ سے ہوٹلوں سے روزانہ کھانہ خرید کرنا بھی ممکن نہیں ہے، ایک طرف تبدیلی سرکار عوام کو بنیادی سھولیات دینے کا وعدہ کرتی ہے تو دوسری جانب ضلع بدین سے نکلنے والے گیس کو اپنے ہی ضلع کی عوام سے محروم کیا جارہا ہے، اگر حکومت نے فوری طور پر گیس بحران پر قابو نہیں پایا تو تلہار سمیت ضلع بدین کی عوام احتجاج کرنے پر مجبور ہوجائیگی، جس کی ذمیوار گیس انتظامیہ ہوگی۔