زرعی یونیورسٹی سے 30 سالہ شخص کی پھندے سے لٹکتی نعش برآمد

بدھ 7 اپریل 2021 11:49

فیصل آباد (اُردو پوائنٹ اخبارتازہ ترین - اے پی پی۔ 07 اپریل2021ء) زرعی یونیورسٹی فیصل آباد سے 30 سالہ شخص کی پھندے سے لٹکتی نعش برآمدہوئی ہے جسے پولیس نے تحویل میں لیکر تفتیش اور ضروری قانونی کاروائی کا آغاز کردیا ہے۔

(جاری ہے)

تفصیلات کے مطابق زرعی یونیورسٹی فیصل آباد کے گراونڈ میں وی آئی پی موومنٹ کیلئے تیار کئے گئے ہیلی پیڈ کے قریب سے30 سالہ شخص کی درخت کیساتھ پھندے سے لٹکتی ہوئی نعش برآمد کی گئی ہے جس کی شناخت آزران مسیح ولد مقبول مسیح کے نام سے ہوئی ہے۔

واقعہ کی اطلاع ملنے پرپولیس اور ریسکیو 1122 کی امدادی ٹیم جائے وقوعہ پر پہنچی اور متوفی کی نعش درخت سے اتار کر پولیس کے حوالے کردی۔ پولیس نے نعش تحویل میں لیکر تفتیش شروع کردی۔ پولیس حکام کے مطابق بظاہر تویہ خود کشی کا واقعہ معلوم ہوتا ہے تاہم پولیس قتل کے شک کی بنیاد پربھی مختلف خطوط پر تفتیش کررہی ہے ۔