نون استعفوں کا ملبہ پیپلز پارٹی پر گرانا چاہتی ہے.یوسف رضا گیلانی

اگر ہم استعفے دے بھی دیں تو مسلم لیگ نون مستعفی نہیں ہوگی .سابق وزیراعظم اور سینیٹ میں قائدحزب اختلاف کی صحافیوں سے گفتگو

میاں محمد ندیم بدھ 7 اپریل 2021 16:19

نون استعفوں کا ملبہ پیپلز پارٹی پر گرانا چاہتی ہے.یوسف رضا گیلانی

اسلام آباد(اردوپوائنٹ اخبارتازہ ترین-ا نٹرنیشنل پریس ایجنسی۔07 اپریل ۔2021ء) سابق وزیر اعظم، پاکستان پیپلز پارٹی کے رہنما اور سینیٹ میں اپوزیشن لیڈر یوسف رضا گیلانی نے کہا ہے کہ مسلم لیگ نون خود بھی استعفے نہیں دینا چاہتی. اسلام آباد میں صحافیوں سے گفتگو کرتے ہوئے سینیٹ میں اپوزیشن لیڈر یوسف رضا گیلانی نے کہا کہ مسلم لیگ نون صرف استعفوں کا ملبہ پیپلز پارٹی پر گرانا چاہتی ہے.

(جاری ہے)

انہوں نے کہا کہ مسلم لیگ نون صرف پاکستان پیپلز پارٹی (پی پی پی) کو قصور وار ٹھرانا چاہتی ہے، تمام معاملات کا جائزہ سی ای سی میں لیں گے. سابق وزیرِ اعظم یوسف رضا گیلانی نے کہا کہ سی ای سی کے بعد استعفیٰ دے بھی دیں تو مسلم لیگ نون استعفے نہیں دے گی سابق صدر آصف علی زرداری کے خلاف سوئس کیس دوبارہ کھولنے کے حوالے سے سوال کے جواب میں یوسف رضا گیلانی نے کہا کہ سوئس کیس اوپن اینڈ شٹ کیس ہے، اس وقت میں خط لکھتا تو میرے اوپر آرٹیکل 6 لگ جاتا.