راچی،پورٹ قاسم بندر گاہ کے مرکزی گیٹ کے قریب آئل ٹینکر کے نیچے سے آئل ٹینکر کے ڈرائیور کی لاش برآمد

جمعرات 8 اپریل 2021 00:55

کراچی (اُردو پوائنٹ اخبارتازہ ترین - آن لائن۔ 07 اپریل2021ء) پورٹ قاسم بندر گاہ کے مرکزی گیٹ کے قریب آئل ٹینکر کے نیچے سے آئل ٹینکر کے ڈرائیور کی لاش ملی ہے جسے تشدد کرنے کے بعد گلا گھونٹ کر قتل کیا گیا۔

(جاری ہے)

تفصیلات کے مطابق بن قاسم ٹاؤن تھانے کی حدودپورٹ قاسم بندر گاہ کے مرکزی گیٹ کے قریب آئل ٹینکر نمبر ایل جی ای735 کے نیچے سے تشدد زدہ لاش ملی، اطلاع ملنے پر پولیس موقع پر پہنچ گئی اورلاش کو تحویل میں لینے کے بعد جناح اسپتال منتقل کیا گیا جہاں مقتول کی شناخت 44 سالہ اعظم علی ولد پیر محمد کے نام سے کرلی گئی ،مقتول کا آبائی تعلق شیخوپورہ سے تھا ، ایس ایچ او بن قاسم ٹاؤن عمران آفریدی کے مطابق جس آئل ٹینکر کے نیچے سے مقتول کی لاش ملی،مقتول اسی آئل ٹینکر کا ڈرائیور تھا اور مقتول کو تشدد کرنے کے بعد اس کی قمیض سے اس کا گلا گھونٹ کرقتل کیا گیا ہے ، واقعہ ذاتی دشمنی کا شاخسانہ معلوم ہوتا ہے تاہم پولیس نے واقعے کی مزیدتحقیقات شروع کردی ہیں