بزدار حکومت بھی ٹیکس فری اور ریلیف پر مبنی بجٹ پیش کرے گی ‘ مسر ت جمشید چیمہ

کرپشن کا کاروبار بند ہونے سے بیروزگارہونیوالی اپوزیشن ہلڑ بازی بھی نہ کرے تو کیا کرے ‘ ترجمان پنجاب حکومت

اتوار 13 جون 2021 13:45

بزدار حکومت بھی ٹیکس فری اور ریلیف پر مبنی بجٹ پیش کرے گی ‘ مسر ت جمشید ..

لاہور(اُردو پوائنٹ اخبارتازہ ترین - این این آئی۔ 13 جون2021ء) ترجمان پنجاب حکومت مسرت جمشید چیمہ نے کہا ہے کہ بزدار حکومت بھی ٹیکس فری اور ریلیف پر مبنی بجٹ پیش کرے گی ، کرپشن کا کاروبار بند ہونے سے بیروزگارہونے والی اپوزیشن ہلڑ بازی بھی نہ کرے تو کیا کرے اورعوام ان کے اصل چہرے دیکھ چکے ہیں۔

(جاری ہے)

اپنے بیان میں انہوںنے کہا کہ مسلم لیگ (ن) اور پیپلز پارٹی اپنے ادوار میں ملک اور عوام کی بجائے اپنے اور حواریوں کی خوشحالی کا بجٹ پیش کرتے رہے ہیں اس لئے ہمارے پیش کئے گئے بجٹ کی ان سے قبولیت کاقطعاً سوال ہی پیدا نہیں ہوتا،ہم تو آج بھی کہتے ہیں آپ آئیں بیٹھیں اور بتائیں بجٹ میں کیا خرابی ہے لیکن اس کے پاس اس کا کوئی جواب نہیں ۔

پنجاب حکومت ٹیکس فری اور ریلیف پر مبنی بجٹ پیش کرکے وفاقی حکومت کی تقلید کرے گی اور ہمیں اپوزیشن کے بلا جواز احتجاج کی کوئی پرواہ نہیں ۔ اپوزیشن نے قومی اسمبلی کے اجلاس میں جو رویہ اپنایا ہے اس کی پوری قوم نے مذمت کی ہے اور ہمیں پنجاب اسمبلی کے اجلاس میں ان سے اسی رویے کی توقع ہے ۔اپوزیشن اس طرح کے اوچھے ہتھکنڈوں سے عوام کے دلوں میں اپنے لئے ہمدردی پیدا نہیں کر سکتی بلکہ حقیقت میں آپ کا اصل چہرہ بے نقاب ہورہاہے ۔