Live Updates

حکومت کاعوام دشمن بجٹ عوام کے لئے وبال جان بنے گا ‘رابعہ فاروقی

تبدیلی سرکار کی کارکردگی مہنگائی میں اضافہ اور بیروزگاری بڑھانے کے سوا کچھ نہیں ‘رکن اسمبلی

پیر 14 جون 2021 16:05

حکومت کاعوام دشمن بجٹ عوام کے لئے وبال جان بنے گا ‘رابعہ فاروقی

لاہور(اُردو پوائنٹ اخبارتازہ ترین - این این آئی۔ 14 جون2021ء) مسلم لیگ (ن) کی رکن پنجاب اسمبلی رابعہ فاروقی نے کہا ہے کہ تحریک انصاف کی حکومت کاعوام دشمن بجٹ عوام کے لئے وبال جان بنے گا عوام پہلے ہی مہنگائی کی چکی میں پس رہی ہے ۔

(جاری ہے)

اپنے بیان میں انہوں نے کہا کہ بجٹ میں الفاظ کا گورکھ دھندہ ہے عام آدمی کے لئے اس میں کچھ نہیں بجٹ میں سرمایہ داروں کو ریلیف دیا گیا ہے مسلم لیگ ن کے قائد میاں نوازشریف نے اپنے ادوار میں جو عوام کو ریلیف دیا وہ سنہری حروف سے لکھے جانے کے قابل ہے لیکن ترقی دشمن اور مخالفین میاں نوازشریف کو ملک وقوم کی خدمت کرنے پر انتقام کا نشانہ بنارہے ہیں ۔

انہوں نے کہا کہ بلند و بانگ دعوے کرنیوالی تحریک انصاف حکومت ہر شعبہ میں ناکام ہوچکی۔ تبدیلی سرکار کی کارکردگی مہنگائی میں اضافہ اور بیروزگاری بڑھانے کے سوا کچھ نہیں کروڑوں غریب پاکستانیوں کے لئے سب سے خوفناک مہنگائی ہے جو پاکستانی تاریخ کی بلند ترین سطح پر ہے۔