نہیں ہو سکتا اپوزیشن پارلیمنٹ میں بات کرے اور حکومت کو نہ کرنے دے، شاہ محمود قریشی

پیر 14 جون 2021 22:31

اسلام آباد(اُردو پوائنٹ اخبارتازہ ترین - آن لائن۔ 14 جون2021ء) وزیر خارجہ شاہ محمود قریشی نے کہا ہے کہ جمہوریت میں اپوزیشن اور حکومت گاڑی کے 2 پہیے ہیں، یہ نہیں ہو سکتا اپوزیشن پارلیمنٹ میں بات کرے اور حکومت کو نہ کرنے دے۔

(جاری ہے)

پارلیمنٹ ہائو س میں میڈیا سے گفتگو کرتے ہوئے شاہ محمود قریشی نے کہا کہ ہم وزیر اعظم کو کہتے ہیں آپ ایوان میں آیا کریں، وزیراعظم کہتے ہیں میں ایوان میں آکر کیا کروں اپوزیشن ایوان میں بات نہیں کرنے دیتی۔

شاہ محمود نے کہا کہ بجٹ پر اپوزیش احتجاج اور تنقید ضرور کرے، یہ ان کا حق ہے۔وزیر خارجہ نے کہا کہ اپوزیشن بتائے حکومتی بینچز کی طرف کن کی خواتین آئی تھیں غیرپارلیمانی زبان کون استعمال کر رہا تھا حکومتی ارکان یا اپوزیشن ۔شاہ محمود قریشی نے کہا کہ ایسا ماحول ہونے سے اراکین مشتعل تھے، میں معاملات کو سلجھانا چاہتا تھا۔