پی ایس ایل 6، فاف ڈوپلیسی ٹورنامنٹ سے باہر

پروٹیز کھلاڑی محمد حسنین سے ٹکر کے باعث یادداشت کھو بیٹھے تھے

ذیشان مہتاب بدھ 16 جون 2021 17:10

پی ایس ایل 6، فاف ڈوپلیسی ٹورنامنٹ سے باہر

ابوظہبی (اردو پوائنٹ تازہ ترین اخبار ۔ 16 جون 2021ء ) کوئٹہ گلیڈی ایٹرز کے بلے باز فاف ڈوپلیسی پاکستان سپر لیگ (پی ایس ایل) سیزن چھ میں مزید حصہ نہیں لیں گے۔ ہفتے کو پشاور زلمی کے خلاف گلیڈی ایٹرز کے لیے فیلڈنگ کرتے ہوئے 36 سالہ ڈوپلیسی کی ساتھی کھلاڑی سے ٹکر ہوگئی تھی، سٹار بلے باز آج رات واپس جنوبی افریقہ کے لئے روانہ ہوجائیں گے۔

(جاری ہے)

ڈوپلیسی بائونڈری بچاتے ہوئے ساتھی کھلاڑی محمد حسنین سے ٹکرا گئے تھے جس کے بعد کچھ دیر کے لیے ان کی یادداشت چلی گئی تھی، ڈوپلیسی زمین پر گر گئے تھے جبکہ گلیڈی ایٹرز کے فزیو کی جانب سے انہیں چیک کیے جانے کے بعد ہسپتال منتقل کیا گیا تھا۔

یاد رہے کہ آج پی ایس ایل 6 کے اہم میچ میں کوئٹہ گلیڈی ایٹرز اور ملتان سلطانز کی ٹیمیں آمنے سامنے ہوں گی، گلیڈی ایٹرز ‏کے لیے آج کا میچ جیتنا لازمی ہے۔