پارلیمنٹ لاجزکے کمرے سے پھندہ لگی لاش برآمد

مرنے والا اقلیتی ایم این اے لال چند کا ڈرائیور ہے، پولیس ذرائع

ہفتہ 19 جون 2021 14:36

پارلیمنٹ لاجزکے کمرے سے پھندہ لگی لاش برآمد

اسلام آباد(اُردو پوائنٹ اخبارتازہ ترین - این این آئی۔ 19 جون2021ء) پارلیمنٹ لاجزکے ایک کمرے سے پھندہ لگی لاش برآمد کرلی گئی ہے۔پولیس ذرائع کے مطابق پارلیمنٹ لاجزکے ایک کمرے سے پھندہ لگی لاش برآمد کی گئی ہے۔ لاش پنکھے سے لٹکی ہوئی تھی جس کی شناخت سنتوش کمارکے نام سے ہوئی ہے۔

(جاری ہے)

پولیس ذرائع کے مطابق مرنے والا شخص تحریک انصاف کے رکن قومی اسمبلی لال چند کا ڈرائیوربتایا جاتا ہے۔دوسری جانب رکن قومی اسمبلی لال چند نے ڈرائیور کی خود کشی کی تصدیق کرتے ہوئے کہا کہ لال چند گزشتہ چارپانچ سال سے میرے پاس ڈرائیورتھا، ڈرائیور کا اپنا گھریلو تنازعہ تھا۔لال چند نے کہا کہ خودکشی سے قبل اس نے ایک ویڈیوبھی بنائی ہے جس میں وہ کہہ رہا ہے کہ میں اپنی بیوی اورساس سے تنگ آگیا ہوں۔