ضم شدہ اضلاع کا ایک روپیہ بندوبستی اضلاع میں نہیں لگے گا بلکہ ہم ان کا خرچ اٹھائیں گے، تیمور جھگڑا
محاصل میں 2 سال میں 68 فیصد اضافہ، پن بجلی منافع کے سارے بقایاجات ملیں گے، صوبائی وزیر کا اسمبلی سے خطاب
جمعرات 24 جون 2021 21:20
(جاری ہے)
وہ لوگ فکر نہ کریں۔ گزشتہ کئی سالوں سے صوبائی حکومت ایسا کر بھی رہی ہے۔ صحت کارڈ پلس کے حوالے سے پورا صوبہ مستفید ہو رہا ہے اور غریب عوام کو ریلیف مل رہا ہے۔
صحت کارڈ سے ہمارا صحت کا نظام بدلے گا اور ہم سب کا بھلا ہو گا۔ تیمور جھگڑا کا اپوزیشن بینچوں کی طرف سے اٹھائے گئے ایک سوال کا جواب دیتے ہوئے کہنا تھا کہ یہ بجٹ نہ تو ورلڈ بینک کا ہے اور نہ ہی بیوروکریسی کا، یہ ہم نے خود بنایا ہے اسی لیے ٹیکس ختم کیے ہیں اور عوام کو ریلیف دیا ہے۔ انہوں نے کہا کہ محنت کشوں کی21 ہزار تنخواہ پر سختی سے عمل درآمد کرائیں گے اور حکومت کی خواہش ہے کہ یہ اجرت کم از کم 50 ہزار ہو۔ یونیورسٹیوں کے حوالے سے ایک سوال کے جواب میں ان کا کہنا تھا کہ یونیورسٹیوں کی گرانٹ ہائیر ایجوکیشن کمیشن سے آتی ہے تاہم صوبائی حکومت نے بھی بجٹ میں 2 ارب روپے رکھے ہیں۔ صوبے میں یونیورسٹیاں بغیر منصوبہ بندی پھیلا دی گئی ہیں جس سے تعلیمی معیار پر اثر پڑا ہے۔ اس وقت خیبرپختونخوا میں برطانیہ سے زیادہ یونیورسٹیاں ہیں۔ ترقیاتی بجٹ کے استعمال کے حوالے سے انہوں نے کہا کہ اس سال ترقیاتی بجٹ 317 ارب اور استعمال 205 ارب ہوا جس کی رپورٹ ہم نے شائع کی ہے۔ آئندہ سال بندوبستی اور ضم شدہ اضلاع میں 90 فیصد بجٹ استعمال ہو گا۔ خیبرپختونخوا سندھ اور پنجاب سے زیادہ ترقیاتی فنڈز استعمال کر رہا ہے۔ بجٹ خسارے کے حوالے ان کا کہنا تھا کہ یہ بجٹ اگر خسارہ کا ہے تو اس کا پتہ سال کے آخر میں چلے گا تاہم اس سے قبل متحدہ مجلس عمل، اے این پی و پیپلز پارٹی ادوار میں بھی بجٹ خسارے کا شکار رہے ہیں۔ تیمور جھگڑا کا خالص بجلی منافع کے حوالے سے کہنا تھا کہ ہم بجلی منافع سے صوبے میں ترقیاتی کام کرینگے جبکہ وفاقی وزیر خزانہ نے یقین دہانی کرائی ہے کہ بجلی منافع کے 36 ارب کے بقایاجات جلد خیبرپختونخوا کو دے دیئے جائیں گے۔ اپوزیشن کی جانب سے صوبائی قرضوں کے حوالے سے اٹھائے گئے سوال کے جواب میں صوبائی وزیر خزانہ کا کہنا تھا کہ قرضے ہمارے جی ڈی پی کا دو فیصد سے زائد نہیں ہیں اور اگر حکومت مزید لے بھی تو 3 فیصد تک ہی ہوں گے۔ صوبائی حکومت نے گزشتہ 2 سال میں اپنے محاصل میں 68 فیصد اضافہ کیا ہے جس سے صوبے کو فائدہ ہوا۔ صوبائی وزیر نے کہا کہ صوبے کے مالی استحکام کا کریڈٹ سب محکموں کوجاتا ہے جس میں بورڈ آف ریونیو، ملازمین کی پنشن کے حوالے سے ان کا کہنا تھا کہ بہت عرصہ پہلے ایک فنڈ بنایا گیا تھا تاہم اس میں رکھی گئی رقم کو استعمال نہیں کیا گیا۔ حکومت نے اس نہ استعمال ہونے والے پنشن فنڈز کے پانچ ارب دوبارہ انویسٹ کرنے کا فیصلہ کیا ہے۔ کیونکہ یہ عوام کا پیسہ ہے لیکن فائدہ بینک لے رہے ہیں۔ تھرو فارورڈ کے حوالے ان کا کہنا تھا کہ یہ گزشتہ 3 یا 4 سال کا ہے جو کہ زیادہ نہیں۔ صوبائی وزیر صحت و خزانہ نے کا اسمبلی اجلاس میں مزید کہنا تھا کہ صوبے بھر میں نئے ایمبولینس سروس شروع کر رہے ہیں جو کہ حاملہ خواتین کو نزدیک ترین ہسپتالوں میں پہنچانے کے لیے استعمال ہو گی۔ اسی طرح ایک خطیر رقم خرچ کر کے 200 کے قریب بی ایچ یوز اور آر ایچ سیز کو چوبیس گھنٹے سروس کے لیے تیار کر رہے ہیں۔ جس سے صوبے میں ماں اور بچے کی صحت میں بہتری اور نومولود بچوں کی شرح اموات میں بھی کمی آئے گی۔ خیبرپختونخوا میں سکول داخلے کی شرح حقیقتاً 76 فیصد ہے جبکہ حکومت نے تعلیم اور صحت کا بجٹ 22 اور 24 ارب بڑھایا ہے۔ تیمور جھگڑا نے کہا کہ بی آر ٹی کے ذریعے پوری پشاور ویلی کو منسلک کریں گے جس میں نوشہرہ، چارسدہ اور خیبر شامل ہیں۔ صوبائی وزیر نے کہا کہ اپوزیشن نے ایم ٹی آئی ایکٹ پر اعتراض کیا تھا تاہم اب اپنے علاقوں میں ایسے ہسپتالوں کا مطالبہ کر رہی ہے۔ حکومت کوہاٹ میں بھی جلد ایک ایم ٹی آئی ٹیچنگ ہسپتال بنائے گی۔ صوبائی وزیر نے کہا کہ بلدیات کا بجٹ اس لیے کم کیا کہ اب بلدیاتی نظام تین کی بجائے دو حصوں پر مشتمل ہوگا تاہم ٹی ایم ایز کا بجٹ بڑھایا ہے۔ عوام کو بہتر خدمات کی فراہمی کے لیے صوبے کے آپریشنل بجٹ میں اضافہ کیاگیا ہے جبکہ یکم جولائی کو سارا ترقیاتی بجٹ جاری کر دیں گے۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.