ناراض سیاستدانوں سے مذاکرات کے بجائے عوام کے بنیادی مسائل حل کرنا بہت ضروری ہے،علائوالدین مری
بلوچستان میں ترقیاتی منصوبے اعلان ہوتے ہیںمکمل نہیں ہوتے،ان کو پبلک پرائیوٹ پارٹنر شپ سے مکمل کیا جائے
اتوار 18 جولائی 2021 17:45
(جاری ہے)
ان خیالات کا اظہار ممتاز سیاستداں اور بلوچستان کے سابق وزیر اعلی علاوالدین مری نے یہاں بلوچستان اکنامک فورم کے دفتر میں سینئر صحافی سمیع گوہر سے ایک انٹرویو کے دوران کیا ۔
سابق وزیر اعلیٰ بلوچستان نے کہا کہ ہمارا صوبہ قدررتی وسائل سے مالا مال ہے،یہاں سونا،چاندی،تانبا، لوہا، کوئیلہ ، سنگ مرمر اور دیگر معدنیات سے مالا مال ہے جن سے فائیدہ اٹھاکر ملک می ترقی و خوشحالی کو بلند ترین سطح پر پہنچایا جاسکتا ہے لیکن ہماری بدقستی یہ ہے کہ یہاں ترقیاتی منصوبوں کا اعلان تو ہوتا ہے لیکن ان پر کام شروع نہیں کیا جاتا ہے،صرف منصوبوں کے افتتاح کی تختیاں لگتی رہتی ہیں ۔انہوں نے خہا کہ ضرورت اس بات کی ہے کہ ان تمام زیر تکمیل پروگراموں کی فائیلوں کو کھول کر پبلک پرائیوٹ پارٹنر شپ کے ذریعے پایہ تکمیل کو پہنچایا جائے تاکہ ترقی اور خوشحالی کے ایک نئے دور کا آغاز ہو سکے۔ علاوالدین مری نے کہا کہ چاغی میں موجود ونڈ کوریڈور سے بارہ ہزار میگا واٹ بجلی پیدا کی جاسکتی ہے، ساحلی پٹی کو فشریز، سیاحت اور سی فوڈ انڈسٹری کو فروغ دے کر فائیدہ اٹھایا جاسکتا ہے،ایران اور افغانستان کے ساتھ ٹریڈ پالیسی پر نظر ثانی کی جانی چاہیے جس سے برآمدات میں اضافہ ہو سکتا ہے اور زرعی اصلاحات کے ذریعے کم پانی لینے والی فصلیں اگائی جاسکتی ہیں جنکے ذریعے خام مال اور ویلیوایڈڈ پراڈکٹس کو برآمد کرکے خطیر زرمبادلہ کمایا جاسکتا ہے انہوں نے کہا کہ بلوچستان کے لوگوں کے احساس محرومی کے ذمہ دار اسٹیبلشمنٹ ہرگز نہیں ہے اس کے ذمہ دار خود ہمارے سیاستداں ہیں جو اقتدار میں نہیں ہوتے ہیں تو عوام کے مسائل حل کرنے کے لیے بڑے بلندو بانگ دعوے کرتے ہیں اور جب اقتدار میں آتے ہیں تو کچھ نہیں کرتے ہیں اور ترقیاتی پروگراموں کا بجٹ کرپشن کی نظر ہوجاتا ہے۔انہوں نے کہا کہ ہماری فوج بلوچستان میں سیکورٹی کے حالت بہتر بنانے کے لیے بڑی محنت کررہی ہے اور سرحدوں کی حفاظت کے لیے اپنی جانوں کا نذرانہ بھی پیش کررہی ہیں، اس لیے وہ کہتے ہیں کہ بلوچستان کی ترقی اور خوشحالی کے لیے ہماری فوج کوئی رکاوٹ نہیں ہے جس کی وہ خود مشال پیش کرسکتے ہیں کہ جب وہ وزیر اعلیٰ تھے تو فوج کے کسی بھی افسر نے انہیں کوئی کام شروع کرنے یا نہ کرنے کا کبھی دباو نہیں ڈالا بلکہ ترقیاتی منصوبوں پر کام جاری رکھنے کے لیے ہر ممکن تعاون فراہم کیا۔مزید قومی خبریں
-
اچھی تربیت اور تعلیم زندگی میں کامیابی کے لئے لازم و ملزوم ہیں،گورنر پنجاب
-
محمود خان اچکزئی کے وارنٹ گرفتاری جاری
-
علی امین گنڈا پور وفاق پر قبضہ کر کے انتشار پھیلانا چاہتے ہیں: سپیکر پنجاب اسمبلی
-
وزیراعلی خیبر پختوانخواہ کی اسلام آباد پر دھاوے کی دھمکی نہایت سنگین معاملہ ہی: سعد رفیق
-
وفاقی وزیرعطا تارڑنے اعجاز احمد حفیظ کو اپنا کوارڈینیٹر مقرر کردیا
-
کراچی کے تمام اضلاع میں بیک وقت تجاوزات کے خلاف مہم شروع کردی ہے ،بیرسٹر مرتضیٰ وہاب
-
ڈاکٹر طاہر القادری کامیاں زاہد اسلام کی والدہ کے انتقال پر افسوس کا اظہار
-
مشرق وسطی میں حالات مزید خراب ہوئے تو تیل مہنگا ہوسکتا ہے،ورلڈ بینک نے خبردار کر دیا
-
پنجاب میں ایئرایمبولینس سروس کے دائرہ کارکوبتدریج وسعت دی جائیگی‘ مریم نوازشریف
-
نیپرا کی ڈسکوز کے مارچ کے ماہانہ ایف سی اےکے حوالے سےعوامی سماعت مکمل
-
راولپنڈی پولیس کی جرائم پیشہ عناصر کے خلاف کارروائیاں،اشتہاریوں سمیت 12ملزمان گرفتار
-
بچوں کے قتل اورخودکشی کی کوشش میں سزا پانیوالی خاتون کا دماغی معائنہ کروانے کا حکم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.