Live Updates

مونٹی پنیسر بھارتی کرکٹ بورڈ کے سامنے ہتھیار ڈالتے ہوئے کشمیر پریمیئر لیگ سے دستبردار

کے پی ایل میں شرکت کرکے بھارت میں کام کرنے مواقع سے محروم نہیں ہونا چاہتا: سابق برطانوی سپنر

ذیشان مہتاب پیر 2 اگست 2021 14:32

مونٹی پنیسر بھارتی کرکٹ بورڈ کے سامنے ہتھیار ڈالتے ہوئے کشمیر پریمیئر ..

لندن (اردو پوائنٹ تازہ ترین اخبار ۔ 2 اگست 2021ء ) انگلینڈ کے سابق کرکٹر مونٹی پنیسر بھارتی کرکٹ کنٹرول بورڈ (بی سی سی آئی) کے دباؤ میں آکر کشمیر پریمیئر لیگ سے باہر ہوگئے۔ ایک سوشل میڈیا پوسٹ میں بائیں ہاتھ کے سابق سپنر نے تصدیق کی کہ اس نے ٹورنامنٹ سے باہر ہونے کا فیصلہ کیا کیونکہ وہ اس تنازع کے بیچ میں نہیں رہنا چاہتا جو بی سی سی آئی کی جانب سے غیر ملکی کھلاڑیوں کو کے پی ایل کے افتتاحی ایڈیشن میں حصہ لینے سے دھمکی دینے کے بعد پیدا ہوا تھا۔

مونٹی پنیسر نے اپنے ٹویٹر پیغام میں لکھا کہ ’’میں نے کشمیر کے مسائل پر پاکستان اور بھارت کے درمیان سیاسی کشیدگی کی وجہ سے کے پی ایل میں شرکت نہ کرنے کا فیصلہ کیا ہے، میں اس کے بیچ میں نہیں پڑنا چاہتا ، اس سے مجھے تکالیف کا سامنا کرنا پڑ سکتا ہے‘‘ ۔

(جاری ہے)

I have decided not to participate in the KPL because of the political tensions between India and Pakistan over kashmir issues. I don't want to be in the middle of this , it would make me feel uncomfortable. #KPL2021 #Kashmir #india #Cricket #Pakistan #ENGvIND #TheHundred
— Monty Panesar (@zkp_scroll) August 1, 2021

ایک انٹرویو میں مونٹی پنیسر نے کہا کہ انہیں انگلش کرکٹ بورڈ نے مشورہ دیا تھا کہ کے پی ایل میں ان کی شرکت کے نتیجے میں انہیں مستقبل میں بھارت کی جانب سے ویزہ دینے سے انکار کر دیا جائے گا۔

مونٹی پنیسر نے کہا کہ میں نے اس لیگ میں شرکت نہ کرنے کی وجہ یہ بتائی کہ مجھے ای سی بی اور بی سی سی آئی کی طرف سے واضح طور پر مشورہ دیا گیا تھا کہ اگر میں کھیلتا ہوں تو اس کا نتیجہ یہ ہو سکتا ہے کہ مجھے مستقبل میں ویزا سے انکار کیا جا سکتا ہے اور شاید ہندوستان میں کرکٹ کے کسی بھی موقع سے انکار کر دیا جائے ، میں نے ابھی اپنا میڈیا سپورٹس کیریئر شروع کیا ہے اور ہندوستان ان جگہوں میں سے ایک ہے جہاں میں کام کرنا چاہتا ہوں، کے پی ایل میں شرکت کا نقصان زیادہ ہوگا اور میں بھارت میں کام کرنا کا بڑا موقع گنوا دوں گا۔

Monty Panesar Reveals That He Pulls Out From KPL at the last moment because he wants to work in india in future.
Abhi bhi kisi ko shak hai kay BCCI kya Kar rha hai ?
Please If You Can't Support KPL because of Your Indian viewers than atleast don't try to prove it irrelevant 🙏 pic.twitter.com/q6kV1sKZha
— Shahzaib Ali 🇵🇰 (@DSBcricket) August 1, 2021

اس سے قبل آئی سی سی نے بی سی سی آئی کی جانب سے کے پی ایل کو تسلیم نہ کرنے کی درخواست پر یہ دعویٰ کیا تھا کہ اس کا غیر بین الاقوامی کرکٹ ٹورنامنٹس پر کوئی دائرہ اختیار نہیں ہے۔