فیصل آباد گزشتہ24گھنٹوں کے دوران 4 اشتہاریوں سمیت 19 جرائم پیشہ افراد گرفتار

ہفتہ 18 ستمبر 2021 15:55

فیصل آباد(اُردو پوائنٹ اخبارتازہ ترین - اے پی پی۔ 18 ستمبر2021ء) فیصل آباد پولیس نے گزشتہ24گھنٹوں کے دوران 4 اشتہاریوں سمیت 19 جرائم پیشہ افرادکو گرفتار کیا ہے۔

(جاری ہے)

سٹی پولیس فیصل آباد کے ترجمان نے بتایا کہ ضلع بھر کے تھانوں کی حدود میں کی جانیوالی کارروائیوں میں پولیس نے منشیات فروشوں کیخلاف کریک ڈاؤن کرکے4 منشیات فروشوں کو گرفتاراور ان کے قبضہ سے20 لیٹر شراب برآمد کی ہے جبکہ ناجائز اسلحہ رکھنے اور نمائش کرنیوالوں کیخلاف کارروائیوں میں 10 ملزم گرفتار کرکے 7پسٹل 2 رائفل1کلاشنکوف اور متعدد گولیاں برآمدکی گئی ہیں۔

انہوں نے بتایا کہ جوا مافیا کیخلاف کارروائی کرکے 4جواریوں کوگرفتار اور داؤ پر لگی ہوئی 6000 روپے کی رقم برآمد کی گئی ہے۔ انہوں نے بتایا کہ گرفتار ملزمان کیخلاف متعلقہ تھانوں میں مقدمات درج کرکے ضابطہ کی کارروائی شروع کردی گئی ہے۔