قائد اعظم کے مجسمہ کو شہید کرنے کے تانے بانے افغانستان سے جا کر ملتے ہیں ، شیری رحمن

افغانستان کی صورتحال پر پر پاکستان میں مکمل طور پر خاموشی ہے ،امریکہ افغانستان سے عجلت میں انخلا کیا ہے ، سینٹ میں خطاب

بدھ 29 ستمبر 2021 22:17

قائد اعظم کے مجسمہ کو شہید کرنے کے تانے بانے افغانستان سے جا کر ملتے ..

اسلام آباد(اُردو پوائنٹ اخبارتازہ ترین - این این آئی۔ 29 ستمبر2021ء) پاکستان پیپلز پارٹی کی نائب صدر شیری رحمن نے کہاہے کہ قائد اعظم کے مجسمہ کو شہید کرنے کے تانے بانے افغانستان سے جا کر ملتے ہیں ۔ بدھ کو یہاں سینیٹ میں نکتہ اعتراض پر سینیٹر شیری رحمان نے کہاکہ قائد اعظم کے مجسمہ کو شہید کرنے کے تانے بانے افغانستان سے جا کر ملتے ہیں ،افغانستان کی صورتحال پر پر پاکستان میں مکمل طور پر خاموشی ہے ،امریکہ افغانستان سے عجلت میں انخلا کیا ہے ۔

انہوںنے کہاکہ ہم نے اس انخلا میں دنیا کی مدد کی ہم اس قابل نہیں ہیں افغانستان کے منفی اثرات برداشت کر سکیں ،امریکی سینیٹ میں بائیس ارکان نے ایک بل پیش کیا جو قابل تشویش ہے ۔ انہوںنے کہاکہ طالبان سے تعاون کے کیا نتائج ہوں گے اس بل میں کچھ شقیں براہ راست پاکستان سے متعلق لکھا گیا ہے ،حکومت پاکستان نے طالبان کی مدد کی افغانستان پر قبضے اور اشرف غنی کی حکومت گرانے میں مدد کی ،وہاں پر ایسے اقدامات ہو رہے ہیں اور یہاں حکومت نے پارلیمان کا اجلاس تک نہیں بلایا ،حکومت کی خارجہ پالیسی کے حوالے سے کوئی پالیسی نہیں ہے ،ہم نے پارلیمنٹ کا مشترکہ اجلاس بلز بلڈوز کرنے کے لیے نہیں بلائے ۔

(جاری ہے)

انہوںنے کہاکہ پیپلز پارٹی نے امریکہ کی چھ سے سات ماہ نیٹو سپلائی بند کی ،وزیر اعظم امریکہ سینیٹ کی بات کرتے ہیں پہلے اپنے سینیٹ میں تو آئیں ،حکومت طالبان کی ترجمان بنے ہوئے ہیں ،پاکستان روپے کی قدر میں مسلسل کمی ہورہی ہے اس طرف کوئی توجہ نہیں دے رہا ،حکومت آئین اور پارلیمنٹ کو نظر انداز کررہی ہے جمہوریت کے ساتھ تصادم چاھتی ہے ۔ انہوںنے کہاکہ روز باڈرز پر ہمارے نوجوان شہید ہورہے ہیں۔