ٹی ٹوئنٹی ورلڈکپ کیلئے قومی ٹیم کی "کٹ" متعارف کروا دی گئی

پی سی بی کے ٹوئٹر اکاونٹ پر جاری کی گئی تصاویر سوشل میڈیا پر وائرل ہو گئیں، پاکستانی شائقین کرکٹ کی جانب سے "کٹ" کے ڈیزائن کیلئے پسندیدگی کا اظہار

محمد علی ہفتہ 16 اکتوبر 2021 00:59

لاہور (اردو پوائنٹ تازہ ترین اخبار ۔ 15 اکتوبر 2021ء ) ٹی ٹوئنٹی ورلڈکپ کیلئے قومی ٹیم کی "کٹ" متعارف کروا دی گئی۔ تفصیلات کے مطابق متحدہ عرب امارات میں شیڈول ٹی ٹوئنٹی ورلڈکپ کے آغاز سے قبل پاکستانی کرکٹ ٹیم کی "کٹ" کا ڈیزائن جاری کر دیا گیا ہے۔

Pakistan’s @T20WorldCup jersey unveiled! 🇵🇰 👕⭐

Get your official shirt now!
Order now at https://t.co/A91XbZsSbJ #WearYourPassion x #WhyNotMeriJaan pic.twitter.com/auQZgBllTE
— Pakistan Cricket (@TheRealPCB) October 15, 2021

پی سی بی کے ٹوئٹر اکاونٹ پر جاری کی گئی تصاویر سوشل میڈیا پر وائرل ہو گئیں، پاکستانی شائقین کرکٹ کی جانب سے "کٹ" کے ڈیزائن کیلئے پسندیدگی کا اظہار کیا گیا۔

اس سے قبل 2009ء کی تاریخ دہرانے کا عزم لیے قومی سکواڈ ٹی ٹونٹی ورلڈ کپ میں شرکت کے لیے چارٹر طیارے سے متحدہ عرب امارات کے لیے روانہ ہوگیا۔ پاکستان کرکٹ ٹیم کے کھلاڑی اور دیگر سٹاف خصوصی طیارے کے ذریعے دبئی روانہ ہوئے۔

(جاری ہے)

قومی ٹیم کے کپتان بابراعظم نے سوشل میڈیا پر جاری اپنے بیان میں کہا کہ ’آپ کی سپورٹ ہر چیز سے زیادہ اہم ہے، اپنی ٹیم کے ساتھ رہیں، سپورٹ کرتے رہیں اور یقین رکھیں‘۔

Off to UAE. Your support means more than anything. Stand by your team. Keep supporting. Keep praying. Keep believing. #PakistanZindabad 🇵🇰 pic.twitter.com/Venlgoz2EV
— Babar Azam (@babarazam258) October 15, 2021

قومی سکواڈ میں شامل 15 کھلاڑی، 3 ٹریول ریزرو اور سپورٹ اسٹاف کے ارکان دبئی میں ایک روز کی آئسولیشن مکمل کریں گے۔ قومی ٹی ٹونٹی سکواڈ کے کچھ ارکان کی فیملیز بھی متحدہ عرب امارات جا رہی ہیں۔ بائولنگ کنسلٹنٹ ورنن فلینڈر نے لاہور میں ٹیم کو جوائن کیا جبکہ بیٹنگ کنسلٹنٹ میتھیو ہیڈن دبئی میں پاکستان ٹیم کو جوائن کریں گے۔

پاکستان نے یونس خان کی زیرقیادت انگلینڈ میں کھیلا جانے والا ٹی ٹونٹی ورلڈ کپ 2009ء میں اپنے نام کیا تھا،یہ مختصر فارمیٹ کے میگا ایونٹس میں گرین شرٹس کا پہلا اور آخری ٹائٹل تھا، اس وقت کے فاتح سکواڈ میں سے ٹیم کو اب صرف شعیب ملک کی خدمات حاصل ہیں۔ متحدہ عرب امارات میں ٹی ٹونٹی ورلڈکپ کا آغاز 17 اکتوبر سے ہو گا اور بابراعظم کی قیادت میں پاکستان ٹیم 24 اکتوبر کو دبئی میں بھارت کے خلاف اپنا پہلا میچ کھیلے گی۔