Live Updates

قوم نا اہل حکمرانوں کے خلاف باہر نا نکلی تو ملک کا دیوالیہ ہوجائیگا،پی ڈی ایم

نا اہل ،نا کام ترین حکمرانوں میں شرم و حیاء نام کی چیز ہی نہیں ،حکومت ملک ،قوم کے مفادات کے بجائے آئی ایم ایف کی چوکیداری کررہی ہے،حافظ حمد اللہ

ہفتہ 16 اکتوبر 2021 13:49

قوم نا اہل حکمرانوں کے خلاف باہر نا نکلی تو ملک کا دیوالیہ ہوجائیگا،پی ..
اسلام آباد (اُردو پوائنٹ اخبارتازہ ترین - این این آئی۔ 16 اکتوبر2021ء) پاکستان ڈیموکریٹک موومنٹ نے پیٹرولیم مصنوعات کی قیمتوں میں اضافہ کو مسترد کرتے ہوئے کہا ہے کہ قوم نا اہل حکمرانوں کے خلاف باہر نا نکلی تو ملک کا دیوالیہ ہوجائے گا،نا اہل اور نا کام ترین حکمرانوں میں شرم و حیاء نام کی چیز ہی نہیں ہے،حکومت ملک ،قوم کے مفادات کے بجائے آئی ایم ایف کی چوکیداری کررہی ہے۔

ایک بیان میں ترجمان پی ڈی ایم حافظ حمداللہ نے پیٹرولیم مصنوعات کی قیمتوں میں اضافے کو عوام پر خودکش دھماکہ قرار دیتے ہوئے کہا کہ اب بہت ہوگیا ہے قوم کو چاہئے کہ اب وہ گھبرائیں ۔ انہوں نے کہا کہ قوم نا اہل حکمرانوں کے خلاف باہر نا نکلی تو ملک کا دیوالیہ ہوجائے گا۔انہوں نے کہا کہ نا اہل اور نا کام ترین حکمرانوں میں شرم و حیاء نام کی چیز ہی نہیں ہے۔

(جاری ہے)

انہوں نے کہا کہ حکومت ملک اورقوم کی مفادات کے بجائے آئی ایم ایف کی چوکیداری کررہی ہے،عوام کی مفادات کاتحفظ کس کی ذمہ داری ہے قیامت خیز مہنگائی نے عوام کی زندگیاں چھین لی۔انہوں نے کہا کہ ملک میں 22کروڑ عوام کی نہیں آئی ایم ایف کی حکومت ہے۔انہوں نے کہا کہ ملک کو۔آئی۔ایم۔ایف کیلئے چراگاہ بنادیاگیاہے۔انہوں نے کہا کہ غربت کی لکیرسے نیچے زندگی گذارنیوالے کروڑوں پاکستانی کدھر جائیں۔اب عوام سوال کررہی ہے کہ حکومت کی پیدرپے ناکامیاں قصور سلیکٹیڈ کا ہے یا سلیکٹرز کا۔انہوں نے کہا کہ پی ڈی ایم کامانناہے کہ سلیکٹیڈ اور سلیکٹرز دونوں بری طرح ناکام ہوچکے ہیں۔
Live مہنگائی کا طوفان سے متعلق تازہ ترین معلومات

متعلقہ عنوان :