عمران خان کی سابقہ اہلیہ جمائمہ گولڈ اسمتھ ارب پتی سے شادی کرنے والی ہیں، برطانوی میڈیا کا دعوی

ابھی تک جمائمہ یا کیمرون کی جانب سے شادی کی تاریخ یا منصوبوں کے بارے میں کوئی باضابطہ عوامی بیان جاری نہیں کیا گیا

ساجد علی اتوار 3 مئی 2026 14:46

عمران خان کی سابقہ اہلیہ جمائمہ گولڈ اسمتھ ارب پتی سے شادی کرنے والی ..

لندن (اُردو پوائنٹ اخبارتازہ ترین۔ 03 مئی2026ء) سابق وزیراعظم عمران خان کی سابقہ اہلیہ، برطانوی سکرین رائٹر اور پروڈیوسر جمائمہ گولڈ اسمتھ کے حوالے سے خبریں گردش کر رہی ہیں کہ وہ تقریباً ایک سالہ رفاقت کے بعد ڈبلن میں پیدا ہونے والے معروف کاروباری شخصیت کیمرون او ریلی کے ساتھ رشتہ ازدواج میں منسلک ہونے کی تیاریاں کر رہی ہیں۔ ڈیلی میل کے مطابق گزشتہ ایک سال کے دوران اس جوڑے کے درمیان قربتیں بڑھی ہیں اور ایک خاموش مگر پائیدار تعلق کے بعد اب ان کی باقاعدہ منگنی ہو چکی ہے، اطلاعات ہیں کہ 50 سالہ جمائمہ نے 62 سالہ ارب پتی فنانسر کیمرون او ریلی کے ساتھ زندگی کا نیا سفر شروع کرنے کا فیصلہ کیا ہے۔

Jemima Goldsmith to wed multi-millionaire..https://t.co/r62JWzPWzZ via @DailyMailCeleb
— Waseem Abbasi (@Wabbasi007) May 3, 2026

بتایا گیا ہے کہ یہ جوڑا اپنی زندگی کا زیادہ تر وقت سوئٹزرلینڈ (جہاں کیمرون کی رہائش ہے) اور لندن (جمائمہ کا گھر) کے درمیان گزار رہا ہے، کیمرون او ریلی ایک معروف ارب پتی فنانسر ہیں اور وہ مشہور رگبی کھلاڑی سر انتھونی او ریلی کے بیٹے ہیں، وہ اپنی نجی زندگی کو میڈیا کی نظروں سے دور رکھنے کے عادی ہیں اور انتہائی کم پروفائل لائف اسٹائل گزارتے ہیں۔

(جاری ہے)

قریبی ذرائع کا کہنا ہے کہ دونوں کی پہلی ملاقات ڈاکومنٹری سے متعلق کچھ پیشہ ورانہ پروجیکٹس پر کام کے دوران ہوئی تھی، پیشہ ورانہ ہم آہنگی آہستہ آہستہ دوستی میں بدلی، جس نے بعد ازاں ایک رومانوی رشتے کی شکل اختیار کر لی، جمائمہ کے خاندان، بالخصوص ان کے بھائی رابن برلے نے اس رشتے کی حمایت کی، وہ کیمرون او ریلی سے ملاقات بھی کر چکے ہیں، جو اس بات کی علامت ہے کہ خاندان میں اس رشتے کو قبول کر لیا گیا ہے۔

Jemima Goldsmith, British socialite and ex-wife of former Pakistan's PM Imran Khan, is set to marry again.

Jemima Goldsmith and 62 years old Irish billionaire investor and financier Cameron O'Reilly will be marrying in Switzerland in coming weeks. pic.twitter.com/1q2VRMYUUq
— South Asia Index (@SouthAsiaIndex) May 3, 2026

یاد رہے کہ جمائمہ گولڈ اسمتھ نے 1995 میں عمران خان سے شادی کی تھی جو تقریباً ایک دہائی تک برقرار رہنے کے بعد 2004 میں طلاق پر ختم ہوئی، ان کے دو بیٹے، قاسم اور سلیمان خان ہیں، جو اب اپنی آزادانہ زندگی گزار رہے ہیں لیکن اپنے والدین دونوں کے ساتھ گہرے تعلقات برقرار رکھے ہوئے ہیں، اگرچہ ابھی تک جمائمہ یا کیمرون کی جانب سے شادی کی تاریخ یا منصوبوں کے بارے میں کوئی باضابطہ عوامی بیان جاری نہیں کیا گیا لیکن قریبی حلقوں کا دعویٰ ہے کہ شادی کی تیاریاں پسِ پردہ جاری ہیں، جوڑے نے اب تک میڈیا کی توجہ سے گریز کیا ہے اور وہ اپنی ذاتی اور پیشہ ورانہ مصروفیات پر توجہ مرکوز کیے ہوئے ہیں۔