Live Updates

ٹی ٹونٹی ورلڈ کپ کوالیفائنگ رائونڈ، عمان نے پاپوانیوگنی کو 10 وکٹوں سے ہرا دیا

عمانی اوپنرز جتندر سنگھ اور عاقب الیاس کی ناقابل شکست نصف سنچریاں

ذیشان مہتاب اتوار 17 اکتوبر 2021 18:00

ٹی ٹونٹی ورلڈ کپ کوالیفائنگ رائونڈ، عمان نے پاپوانیوگنی کو 10 وکٹوں ..

عمان (اردو پوائنٹ تازہ ترین اخبار ۔ 17 اکتوبر 2021ء ) ٹی 20 ورلڈ کپ میں کوالیفائنگ راؤنڈ کا آغاز ہوگیا جس کے پہلے میچ میں عمان نے پاپوانیوگنی کو 10 وکٹوں سے شکست دیدی ہے ۔ ٹی 20 ورلڈ کپ کوالیفائنگ راؤنڈ کے پہلے میچ میں عمان نے پاپوانیوگی کیخلاف ٹاس جیت کر فیلڈنگ کا فیصلہ کیا ۔ عمان کے الامارات کرکٹ گراؤنڈ میں کھیلے جا رہے ورلڈ کپ کے پہلے راؤنڈ کے میچ میں پاپوا نیوگنی کے دونوں اوپنرز کھاتا کھولے بغیر پویلین لوٹ گئے اور صفر پر مہمان ٹیم دونوں وکٹیں گنوا چکی تھی۔

اس مرحلے پر کپتان اسد والا کا ساتھ دینے چارلس امینی آئے اور دونوں نے تیسری وکٹ کیلئے 81 رنز کی شاندار شراکت قائم کی۔ اس شراکت کا خاتمہ اس وقت ہوا جب چارلس 37 رنز بنانے کے بعد رن آؤٹ ہو کر پویلین لوٹ گئے۔

(جاری ہے)

پاپوا نیوگنی کے کپتان نے اپنی نصف سنچری مکمل کرنے کے ساتھ ساتھ ٹیم کی سنچری مکمل کرائی ۔ وہ 102 کے مجموعی سکور پر 56 رنز بنانے کے بعد کلیم اللہ کی دوسری وکٹ بنے، ان کی اننگز میں 4 چوکے اور3 چھکے شامل تھے۔

ذیشان کی عمدہ باؤلنگ کے سبب پاپوا نیوگنی کی ٹیم وقفے وقفے سے وکٹیں گنواتی رہی اور مقررہ 20 اوورز میں 9 وکٹوں کے نقصان پر 129 رنز بنائے۔ آخری 6 اوور میں پاپوانیوگنی نے صرف 27 رنز کے عوض 6 وکٹیں گنوائیں ۔ عمان کی جانب سے ذیشان اشرف نے 20 رنز دے کر4 وکٹیں لیں جبکہ بلال خان اور کلیم اللہ نے دو، دو وکٹیں لیں۔

ٹی ٹونٹی ورلڈ کپ کے پہلے مرحلے میں 6 کوالیفائرز اور رینکنگ پر موجود 9ویں اور10 ویں نمبر کی ٹیمیں بنگلا دیش اور سری لنکا شریک ہوں گی۔

17 سے 22 اکتوبر تک جاری رہنے والے اس مرحلے سے 4 ٹیمیں دیگر ٹاپ 8 ٹیموں کو سپر 12 میں جوائن کریںگی اور سپر 12 معرکہ 23 اکتوبر سے شروع ہوگا۔ کوالیفائنگ راؤنڈ میں آج کے دوسرے میچ میں بنگلا دیش کا مقابلہ سکاٹ لینڈ سے ہوگا۔پاکستان کی ٹیم عالمی کپ میں اپنی مہم کا آغاز 24 اکتوبر کو روایتی حریف بھارت کے خلاف میچ سے کرے گی جس کے بعد دوسرا میچ 26 اکتوبر کو نیوزی لینڈ کے خلاف کھیلا جائے گا۔ عالمی کپ میں پاکستان کا تیسرا میچ 29 اکتوبر کو افغانستان سے ہو گا جس کے بعد 31 مارچ کو اگلا میچ کوالیفائر کے خلاف کھیلا جائے گا۔ پاکستان کی ٹیم ٹی20 ورلڈ کپ میں اپنا آخری گروپ میچ 7 نومبر کو کوالیفائر کے خلاف کھیلے گی۔