کرم کے علاقہ میں دہشتگردوں کی فائرنگ سے دو فوجی جوانوں کی شہادت پر اظہا ر افسوس کی قرارداد پنجاب اسمبلی میں جمع

جمعرات 28 اکتوبر 2021 12:56

لاہور (اُردو پوائنٹ اخبارتازہ ترین - این این آئی۔ 28 اکتوبر2021ء) کرم کے علاقہ میں دہشتگردوں کی فائرنگ سے دو فوجی جوانوں کی شہادت پر اظہا ر افسوس کی قرارداد پنجاب اسمبلی میں جمع کروادی گئی ۔

(جاری ہے)

مسلم لیگ(ن)کی رکن سعدیہ تیمور کی جانب سے جمع کرائی گئیقرارداد کے متن میں کہاگیا ہے کہ یہ ایوان کرم کے علاقہ میں دہشتگردوں کی فائرنگ سے دو فوجی جوانوں کی شہادت پر گہرے رنجم و غم کا اظہار کرتا ہے،یہ ایوان پاک فوج کے جوانوں کو خراج تحسین پیش کرتا ہے ۔

لانس نائیک اسد علی اور سپاہی آصف نے اپنی جانوں کا نذرانہ پیش کرکے دہشتگردوں کو سرحد پار کرنے سے روکا،یہ ایوان ملک میں قیام امن کیلئے شہداکی قربانیوں کو قدر کی نگاہ سے دیکھتا ہے۔ قرارداد میں مطالبہ کیاگیا کہ افغانستان اپنی سرزمین پاکستان کیخلاف استعمال ہونے سے روکے۔