Live Updates

وزیراعظم شہبازشریف کی نواز شریف سے ملاقات، سیاسی صورتحال، حکومتی امور پر تبادلہ خیال

ہفتہ 9 مئی 2026 17:09

لاہور (اُردو پوائنٹ اخبارتازہ ترین - این این آئی۔ 09 مئی2026ء) وزیراعظم شہبازشریف نے جاتی امراء میں مسلم لیگ (ن) کے قائد میاں نوازشریف سے اہم ملاقات کی جس میں سیاسی صورتحال اور اہم حکومتی امور پر تبادلہ خیال کیا گیا۔ذرائع کے مطابق اس موقع پر نائب وزیراعظم اسحاق ڈار اور وزیراعلیٰ پنجاب مریم نواز شریف بھی موجود تھیں۔

(جاری ہے)

ملاقات میں ملک کی مجموعی سیاسی و معاشی صورتحال کا تفصیلی جائزہ لیا گیا، اسحاق ڈار نے پٹرولیم مصنوعات کی قیمتوں میں اضافے کی وجوہات سے آگاہ کیا، اس پر نواز شریف نے عوامی مشکلات کم کرنے اور عوام کو ریلیف دینے پر زور دیا، پٹرولیم مصنوعات کی قیمتوں میں اضافے کے باوجود غریب طبقے کو تحفظ دینے کی ہدایت کی گئی۔

نواز شریف کا کہنا تھا کہ عوام کو ریلیف فراہم کرناحکومت کی اولین ترجیح ہونی چاہیے تاکہ عوامی مشکلات میں کمی لائی جاسکے،مہنگائی کو کنٹرول کیے بغیرعوام کو ریلیف دینا ممکن نہیں،(ن) لیگ حکومت کی وفاق اور پنجاب میں ایک ہی پالیسی ہونی چاہیے کہ عوام کی مشکلات کو حل کرے۔اس موقع پر آزاد کشمیر اور گلگت بلتستان کے آئندہ انتخابات سے متعلق تفصیلی تبادلہ خیال کیا گیا، میاں نواز شریف کو ایران امریکہ مذاکرات کے حوالے سے قومی قیادت کی پس پردہ کوششوں سے بھی آگاہ کیا گیا۔