پاکستان اوربنگلہ دیش کی دوطرفہ تجارت کے حجم میں جاری مالی سال کے پہلے چارماہ میں نمایاں اضافہ

اسلام آباد۔(اُردو پوائنٹ اخبارتازہ ترین - اے پی پی۔ 06 دسمبر2021ء) پاکستان اوربنگلہ دیش کے درمیان دوطرفہ تجارت کے حجم میں جاری مالی سال کے پہلے چارماہ میں گزشتہ مالی سال کی اسی مدت کے مقابلہ میں نمایاں اضافہ ریکارڈکیاگیاہے، جاری مالی سال میں بنگلہ دیش کوپاکستانی برآمدات میں 42.84 فیصد جبکہ بنگلہ دیش سے درآمدات میں 29.93 فیصدکی نموریکارڈکی گئی ہے۔

سٹیٹ بینک آف پاکستان کی جانب سے اس حوالہ سے جاری کردہ اعدادوشمارکے مطابق جاری مالی سال کے پہلے چارماہ میں بنگلہ دیشن کوپاکستانی برآمدات کاحجم 242.51 ملین ڈالرریکارڈکیاگیاجو گزشتہ مالی سال کی اسی مدت کے مقابلہ میں 42.84 فیصدزیادہ ہے، گزشتہ مالی سال کی اسی مدت میں بنگلہ دیش کوپاکستانی برآمدات کاحجم 169.77 ملین ڈالرریکارڈکیاگیاتھا۔

(جاری ہے)

اکتوبر2021 میں بنگلہ دیش کو67.12 ملین ڈالرمالیت کی برآمدات ریکارڈکی گئیں جو گزشتہ سال اکتوبرکے مقابلہ میں 57.71 فیصدزیادہ ہے، گزشتہ سال اکتوبرمیں بنگلہ دیش کوبرآمدات سے ملک کو42.29 ملین ڈالرکازرمبادلہ حاصل ہواتھا۔

مالی سال 2021 میں بنگلہ دیش کوپاکستانی برآمدات کاحجم 616.9 ملین ڈالرریکارڈکیاگیاتھا۔سٹیٹ بینک کے مطابق جاری مالی سال کے پہلے چارماہ میں بنگلہ دیش سے درآمدات میں گزشتہ مالی سال کی اسی مدت کے مقابلہ میں 39.93 فیصدکی نموریکارڈکی گئی ہے۔جولائی سے لیکراکتوبرتک کی مدت میں بنگلہ دیش سے 28.25 ملین ڈالرکی درآمدات ہوئی ۔ گزشتہ مالی سال کی اسی مدت میں بنگلہ دیش سے 20.19 ملین ڈالرکی درآمدات ریکارڈکی گئی تھیں۔اکتوبر2021 میں بنگلہ دیش سے 10.81 ملین ڈالرکی درآمدات ہوئیں ، گزشتہ سال اکتوبرمیں یہ حجم 8.07 ملین ڈالرریکارڈکیاگیاتھا۔ مالی سال 2021 میں بنگلہ دیش سے درآمدات پر76.13 ملین ڈالرکازرمبادلہ صرف ہواتھا۔