الحمد للہ ایک پیغام بھیجنے میں کامیاب ہوگئے، شاہ محمود قریشی

اتوار 19 دسمبر 2021 16:15

اسلام آباد (اُردو پوائنٹ اخبارتازہ ترین - این این آئی۔ 19 دسمبر2021ء) وزیر خارجہ شاہ محمود قریشی نے او آئی سی وزرائے کونسل اجلاس کے پاکستان میں انعقاد کو تاریخی قرار دیتے ہوئے کہا ہے کہ الحمدللہ ایک پیغام ہم بھیجنے میں کامیاب ہوگئے ہیں۔

(جاری ہے)

پارلیمنٹ ہائوس میں مختصر گفتگو کرتے ہوئے وزیر خارجہ شاہ محمود قریشی نے کہا کہ افغانستان میں اس وقت دواؤں اور خوراک کی ضرورت ہے، افغانستان میں اس وقت بینکنگ نظام کام نہیں کررہا ہے، افغانستان کی معیشت چلانے کیلئے وہاں بینکنگ نظام فعال ہونا ضروری ہے۔شاہ محمود قریشی نے کہا کہ اوآئی سی وزرائے خارجہ کونسل کے اجلاس سے قبل الحمد للہ ایک پیغام ہم بھیجنے میں کامیاب ہوگئے ہیں۔