صدر آزاد کشمیر کی سماہنی میں وزیر خوراک چوہدری علی شان سونی سے انکی والدہ محترمہ کے انتقال پر اظہار تعزیت

بدھ 19 جنوری 2022 17:47

سماہنی(اُردو پوائنٹ اخبارتازہ ترین - این این آئی۔ 19 جنوری2022ء) صدر آزاد جموں و کشمیر بیرسٹر سلطان محمود چوہدری نے وزیر خوراک چوہدری علی شان سونی سے سماہنی میں ان کے گھرکھٹیالہ میں جا کر ان کی والدہ محترمہ کے انتقال پر اظہار تعزیت کیا۔

(جاری ہے)

اس موقع پر صدر ریاست آزاد جموں و کشمیر بیرسٹر سلطان محمود چوہدری نے وزیر خوراک چوہدری علی شان سونی کی والدہ محترمہ (مرحومہ) کی روح کے ایصال ثواب کے لیے فاتحہ خوانی کی اس موقع پر انہوں نے مرحومہ کے درجات کی بلندی اور لواحقین کے لیے صبر جمیل کی دعا کی۔

اس موقع پر آزا دکشمیر کے سابق صدر سردار یعقوب خان، آزاد کشمیر قانون ساز اسمبلی میں اپوزیشن لیڈر چوہدری لطیف اکبر، مشیر صنعت و حرفت چوہدری مقبول گجر، پیپلز پارٹی آزاد کشمیر کے ڈپٹی سیکرٹری جنرل و ممبر قانون ساز اسمبلی چوہدری قاسم مجید، سابق امیدوار اسمبلی، چوہدری رزاق، چوہدری سردار اور دیگر معززین بھی موجود تھے۔